Nodi Khoje Hatimare Mae Jiu 89:30 - Buka Blahi Ka Cheke Holo

^30-32 “Nu jame te theome leghudi mare nogu vetula iara re, nei theome leghudi puhigu iara re teuna, iara na thofno paradi fara ngala mare, naugna mare ne tapla jafra ka nakhibo. Eghuteuna jame te huhughuni mare u vetula te farirhiudi iara mare igne na, nei jaola theome edi mare unha mala edi mare teku iara na, iara ginauna na paradi fara ngala mare eidi nakhibo teke edi mare re.

Nodi Khoje Hatimare Mae Jiu 89:30 ပူးပေါင်းရင်းမြစ်များ

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Proveb 28:4

Iheire te huhughuni vetula na cheke fahaehagheni mae te diꞌa na, nu iheire te kelitadi ka vetula na, mare tirodini mae te diꞌa na.

Nodi Khoje Hatimare Mae Jiu 132:12

Nu mae thumu nalhaꞌu iagho re mala leghu fakelidi nogu nhaꞌa cheke iara gre baludi vetula teke farirhiudi iara ra. Eghuteuna thudi nalhaꞌu mare nate karha mei thogheirore ginauna nake gnokro ka nou sape nafnakno iagho na mala funei frunidi naiknore tifa e tifa.”

Nodi Khoje Hatimare Mae Jiu 119:53

Iara ne thono diꞌatagu fara kate filodi iara naikno te diꞌa te theome leghudi nou cheke iagho re.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Profet Esikiel 20:19

Iara nomi Lord God ghotilo, eghuteuna ghotilo mala leghudi nei ghatho tahudi eghu nogu vetula nei cheke teu iara igre.

Profet Esikiel 18:17

Mana theome tangomana te goigonidi iheire te kuma. Mana theome tusu lao sileni ka keha mae na mala hata sileni biꞌo. Mae igne leghudi nogu cheke iara re, eghuteuna mana tajidi koba nogu vetula iara re. “Mae igne ginauna theome lehe ka nakhibogna mae kmagna na, nu mana ginauna karha kolho.

Proveb 4:2

Ghotilo thosei koko famane farirhiu te chekedi iara ka ghotilo igre.

Profet Esikiel 18:9

Mae igne leghudi nogu cheke iara re, eghuteuna mana theome huhughudi nogu vetula iara re. Mae ihei te doglo igne, mana ginauna hatini nakarha te keli na. Igne nogu cheke iara Lord God na.

Diutronomi 11:21

Jame te eghu ghotilo na, ghotilo nei thumi re teuna, ghotilo te gnafa na ginauna tangomana te au raugha ka glose teke nhaꞌa chekeni Lord teke tusu ari ka kuꞌemi ghotilo tifa ra. Uve, ghotilo te gnafa na ginauna tangomana te au fabrahu jateula maloa te au fabrahu ke kligna nauthoglu igne eghu.

Nodi Khoje Hatimare Mae Jiu 89:5

Lord God, hatimare maedi kligna re, mare koje nei kilo fnakno nigho eghu iagho eidi glepo te keli te edi iagho ra. Uve, hatimare mae engel te blahi, mare koje eigna puhi te keli te tajidi iagho nou nhaꞌa cheke ra.

Profet Jeremaea 33:17

Iara Lord. Te chekeni iara na, leuleghu fata na kaisei mae ka vikegna King Devet ginauna funei frunidi naiknodi Israel.