Nodi Khoje Hatimare Mae Jiu 89:3 - Buka Blahi Ka Cheke Holo

³ Iagho neke cheke eghu, “Iara neke enihi kaisei nhaꞌa cheke ka mae Devet nogu mae gloku teke vahini iara tifa ia.

Nodi Khoje Hatimare Mae Jiu 89:3 ပူးပေါင်းရင်းမြစ်များ

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Mae Khuru 2:30

Nu mae Devet gne neke kaisei mae profet, eghuteuna mana laseni u nhaꞌa cheke teke eni God ka mana nate mala kaisei mae ka vikegna thegna mala kegra funei biꞌo jateula mana eghu.

Nodi Khoje Hatimare Mae Jiu 89:28

Nogu namha biꞌo iara ranghini mana na ginauna theome gnafa, eghuteuna nhaꞌa cheke teke eni iara ka mana ia na au fabrahu tifa tifa.

Ululahu Kings 8:16

Mana neke cheke eghu, ‘Funu ka narane teke hata fajifladi iara nogu naikno re Ijep te ghilei mei posa ka narane gognarogne, iara neke theome vahini kaisei namono biꞌo ka nodi vido glose vikegna Israel te mala horo ghotilo nogu Sugablahi iara tagna na, te mala tarai ghotilo ka Nanghagu iara na. Nu Iara neke vahi Devet mala funei frunidi nogu naikno iara Israel.’

Fapea Samuel 23:5

“Iara leghuni puki igne, eghume iara laseni God ginauna fablahini vikegu iara igne. Mana neke eni kaisei nhaꞌa cheke balugu iara, eghuteuna gobigna lepore doglo eghuteuna ginauna au fabrahu tifa tifa. Te laseni iara na igne ginauna thofno togho ghau iara, eghuteuna ginauna tusu ranghi ghau iara gobigna lepo te magnahaghedi iara re.

Hibru 7:21

Nu kate pris mae Jisas na, God neke nhaꞌa cheke eghu, “Lord neke eni kaisei nhaꞌa cheke, eghuteuna mana ginauna theome tughu gaoghathogna na. Mana ne cheke eghu, ‘Iagho kaisei mae mala pris fabrahu tifa tifa.’ ”

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Fapea Samuel 3:9

God ginauna para ghau iara, jame te theome toghoni iara mae Devet te mala hata unha teke nhaꞌa chekehi ka mana na.

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Jeremaea 30:9

Mare ginauna loku ranghi ghau iara Lord, nomi God ghotilo, nei loku ranghini king teke vavahi iara ka vikegna King Devet.

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.

Nodi Khoje Hatimare Mae Jiu 78:70

Mae Devet na mae mala reireghi sipu, nu God neke vahini mana mala kaisei nogna mae gloku. Aonu mana neke atha fajiflani mae Devet ka gloku tuana mala nodi king vikegna Israel. Gognaro na mana mae mala reireghidi nogna naikno mana re.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.