Nodi Khoje Hatimare Mae Jiu 89:1 - Buka Blahi Ka Cheke Holo

¹ Lord God, iara ginauna kojeni koba nou namha biꞌo iagho na, nei iara ginauna toutonuni koba eigna puhi te tajini iagho u nou nhaꞌa cheke na.

Nodi Khoje Hatimare Mae Jiu 89:1 ပူးပေါင်းရင်းမြစ်များ

Nodi Khoje Hatimare Mae Jiu 101:1

Lord God, iara ginauna kojeni kaisei khoje eigna puhi te magnahaghei tathaji iara nogu nhaꞌa chekere ka iagho.

Nodi Khoje Hatimare Mae Jiu 119:90

U puhi te tajini fabrahu iagho nou nhaꞌa cheke na igne ginauna theome tangomana nate ari te hui na. Uve, iagho neke vuavuha nauthoglu igne mala au fabrahu tifa tifa.

Lamentations 3:23

Uve, puhigna Lord na au fabrahu, jateula narane majaghani te haghe fabrahu hamerane boibongi ra eghu. “Uve, Lord, iara cheke fakeli nigho eigna iagho ne namhadi fabrahu nou naiknore!”

Nodi Khoje Hatimare Mae Jiu 89:8

Lord God, kaisei iagho ngala te au nolaghi biꞌo na. Theo kaisei naikno te au nolaghi biꞌo jateula iagho teuna. Lord God, kaisei iagho ngala te tangomana te tajidi nou nhaꞌa chekere.

Nodi Khoje Hatimare Mae Jiu 89:33

Nu iara ginauna na namhani fabrahu mae Devet, eghuteuna iara ginauna tajini nogu nhaꞌa cheke teke eni ka mana na.

Nodi Khoje Hatimare Mae Jiu 36:5

Lord, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 89:49

Lord, aheva gne nou namha biꞌo iagho ranghi ghami ghehati gognaro na, jateula teke fakakhana iagho ka ghehati tifa ia teuna? Lord, aheva gne nou nhaꞌa cheke iagho teke edi ka mae Devet ra?

Nodi Khoje Hatimare Mae Jiu 92:2

Thofno keli fara iara te koje fafnakno nigho ka soasopai nafnata gita na mala thofno cheke fajifladi puhimu iagho te keli fara re. Leuleghu hamerane na, thofno keli fara te mala cheke fajiflani iara eigna te biꞌo fara iagho nou namha na. Eghuteuna leuleghu grafi na, thofno keli fara te mala cheke fajiflani iara eigna iagho te tajidi nou nhaꞌa chekera.

Nodi Khoje Hatimare Mae Jiu 71:8

Leuleghu narane, funu hamerane ghilei posa fei grafi, iara cheke fakeli nigho. Uve, iara ghatho tahuni fabrahu nanghamu iagho na.

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.

Nodi Khoje Hatimare Mae Jiu 59:16

Nu iara ginauna na koje mala cheke thakleni nou nolaghi iagho na. Leuleghu hamerane na iara ginauna koje fabiꞌo mala cheke thakleni iagho te namha ghau iara na. Naugna iagho jateula nogu vido te keli eghu mala poru iara ka vido te au ka hoholo na.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.

Nodi Khoje Hatimare Mae Jiu 88:11

Ba? Mae iheire tela lehehira ginau tangomana teke toutonu eigna nou namha biꞌo iagho na? Ba, mae iheire tela lehehira theome tangomana te tajini nou nhaꞌa cheke iagho na ke lamna beku? Theo fara!

Ululahu Kronikols 2:6

Aonu mae Sera ne au glima thugna nalhaꞌu: Mae Simri, mae Etan, mae Heman, mae Kalkol nei mae Dada.

Ululahu Kings 4:31

Nogna gaoghatho te keli mana igne salaꞌu fara, salaꞌudi keha mae re, tulao, mae Etan vikegna mae Esra, nei salaꞌuni mae Heman, nei mae Kalkol, nei mae Dada, thilo thugna mae Mahol. Eghuteuna thoutonu eigna mana na tei posa ka kantri te gnafa te falithuini Israel.

Ululahu Kings 5:11

Leuleghu finogha na, King Solomon fatei kaisei gobi namnosalei thogha baeg wit te biꞌo, eghuteuna fati gobi thogha lita oliv oel eghu ka mae Hiram.