Nodi Khoje Hatimare Mae Jiu 88:9 - Buka Blahi Ka Cheke Holo

⁹ Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Nodi Khoje Hatimare Mae Jiu 88:9 ပူးပေါင်းရင်းမြစ်များ

Thoutonu Eigna Mae Job 11:13

“Nu iagho fadoglini gaoghathomu na, eghuteuna ngafa haghe khamemu re mala tarai ka God.

Nodi Khoje Hatimare Mae Jiu 86:3

Iagho na nogu God iara, iara tarai fabrahu ka iagho funu hamerane boibongi ghilei ke romno. Eghume, iagho kokhoni mei ghau iara.

Nodi Khoje Hatimare Mae Jiu 143:6

Gognaro na nakarhagu iara na thono jateula glose te mojara eghu. Eghume iara ngafa haghe khamegu na ka iagho balu tharai, naugna iara thono magnahaghei nigho iagho fara te jateula kaisei mae te magnahaghei koꞌura teuna.

Nodi Khoje Hatimare Mae Jiu 38:10

Gognaro na, nagnafagu na thono loku heta fara, nei nanhetagure la tei la dofidi. Tathagure la romno la theome fifilohi.

Jone 11:35

Mae Jisas ne tanhi.

Profet Esikiel 17:11

Lord ne cheke eghu,

Nodi Khoje Hatimare Mae Jiu 102:9

Naugna iagho thono diꞌatamu fara ka iara, iagho koko fadelei ghau iara jateula chara eghu kolho. Diꞌanagnafa iara te biꞌo fara na jateula ghegu gano eghu iara, eghuteuna kholodi tathagu gre jateula ghegu khoꞌu eghu iara.

Nodi Khoje Hatimare Mae Jiu 88:1

Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.

Nodi Khoje Hatimare Mae Jiu 68:31

Hatimare mae biꞌo ka gavman gna Ijep ginauna ari mala fanomho ka iagho. Hatimare maedi Sudan ginauna ngafa haghe khamedire mala tarai ka iagho.

Nodi Khoje Hatimare Mae Jiu 55:17

Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Nodi Khoje Hatimare Mae Jiu 44:20

Nomi Lord, jame te theome pogho soru nigho, nei tarai ghehati ka mumuju teuna,

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Nodi Khoje Hatimare Mae Jiu 6:7

Nogu naoka gre e fatanhi ghau iara fabrahu, la ghilei huge tathagure. Gognarona iara theome tangomana te fifilo na.

Thoutonu Eigna Mae Job 17:7

Iara diꞌanagnafa fabrahu nei tanhi eghu ghilei theome tangomana te fifilo na. Eghuteuna iara gognarona nhubragu kolho.

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Thoutonu Eigna Mae Job 3:23

Naugna unha si God te tusu lao karha ka ihei nu theome snakreni mae igne filoni puhigna thegna na? Eghuteuna naugna unha si God te reireghini mae igne te mala theome leghuni unha te magnahagheni te eni mae ignea?

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Lamentations 3:7

Mana reri ghau iara ka chen maku, eghuteuna nhaꞌa lao ghau iara ka suga sosolo mala theome tangomana iara te rikha na.