Nodi Khoje Hatimare Mae Jiu 88:7 - Buka Blahi Ka Cheke Holo

⁷ Diꞌatamu iagho na tahu fara ranghi ghau iara. Uve, thono goigoni ghau fara iara jateula galo te mei te toku tafru ghau ra eghu.

Nodi Khoje Hatimare Mae Jiu 88:7 ပူးပေါင်းရင်းမြစ်များ

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Profet Jona 2:3

Iagho koko soru ghau lamna nhorora aheva thongna te toku tafru ghau eghuteuna galo biꞌo mei poha ke klignagu.

Nodi Khoje Hatimare Mae Jiu 90:7

Diꞌatamu iagho na goigoni ghami ghehati. Uve, ghehati mhaghu nomi fara kate diꞌatamu iagho na.

Nodi Khoje Hatimare Mae Jiu 38:1

Lord, neuba iagho ne diꞌatamu ka iara, thosei para ghau eghu.

Nodi Khoje Hatimare Mae Jiu 32:4

Bongi narane na khamemu iagho na para ghau iara fara. Iara theo kaisei nogu nolaghi kolho, jateula khoꞌu te krango ka naprai ia eghu.

Thoutonu Eigna Mae Job 10:16

Kate fariuriu fakakhana iara te doglo teu kolho na, iagho hiro ghau iara jateula kaisei mae te hiro lion eghu mala goigoni ghau iara.

Nodi Khoje Hatimare Mae Jiu 69:3

God, iara tore nigho koba mala togho ghau iara, la ghilei babaꞌo nogu fara, la ghilei khaprani thotomnogu gne. Iara filo ari ka iagho te mala togho ghau na, la ghilei kabru tathagure.

Profet Jona 2:4

Te ghathoni iara na, iara gne la tei koko nigho, neuba, iara ginauna nake filo fapuloni nou Sugablahi iagho na.