Nodi Khoje Hatimare Mae Jiu 88:5 - Buka Blahi Ka Cheke Holo

⁵ Naiknore te filo mei ghau iara na, iara gne jateula mae tela lehehi ra eghu. Uve, iara gne jateula mae teke lehehi ka magra te giugiluhi ke lamna khora ra eghu hi. Iagho la ghatho ihodihi mare, iagho thosei ghathodi mare.

Nodi Khoje Hatimare Mae Jiu 88:5 ပူးပေါင်းရင်းမြစ်များ

Profet Isaia 53:8

Mare lokini mana mala hatini ka fate, aonu mare athani ne tei mala faleheni mana, nu theo kaisei naikno te nangani kolho glehegna mana na. Mare faleheni mana eidi nakhiboda tahatire.

Nodi Khoje Hatimare Mae Jiu 31:22

Lord, tifa na iara neke mhaghu nogu fara glahula me fota ghau hila iagho neu sia. Nu kate kilo nigho iara na, iagho nomhi ghau iara ne togho ghau iara.

Nodi Khoje Hatimare Mae Jiu 136:23

Kate mei noda naokare te tapla soru ghita te au teu tahati pari na, mana theome ghatho iho ghita. Mana ne namha ghita tahati tifa tifa.

Nodi Khoje Hatimare Mae Jiu 88:16

Iagho thofno diꞌatamu fara ka iara, eghume gaoghathogu iara na thono glaꞌe soru fara. Uve, puhi te para ghau iara iagho igne thono goigoni ghau fara iara.

Nodi Khoje Hatimare Mae Jiu 31:12

Mare te gnafa na mare kafe ghatho iho ghau iara jateu tela lehehi iara ra eghu. Iara gne jateula kaisei glepo te diꞌa tela tirodinihi naiknora eghu kolho.

Thoutonu Eigna Mae Job 11:10

“Jame God mei lisei nigho ke lamna suga sosolo, eghuteuna mana fate nigho, ginauna unha nate eni iagho na?

Thoutonu Eigna Mae Job 6:9

Iara magnahagheni mana te falehe ghau! Iara magnahagheni mana te kusu koko nakarhagu na!

Jenesis 19:29

Aonu kate roꞌedi te gnafa namono teke au ka sare na igre, God neke ghathoni unha teke toreni mae Ebraham eidi naikno te doglo ra ne fakarhi ni mae Lot. Nu mana ne roꞌeni namono aheva teke augna mana na.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Thoutonu Eigna Mae Job 17:1

“Nakarhagu iara na diꞌa gognarona, eghuteuna glehegu iara na la namo mei gognarona. Bekugu iara na tarabanahi.

Nodi Khoje Hatimare Mae Jiu 28:1

Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Profet Esikiel 37:11

Lord neke cheke eghu ka iara, “Maegna ka nauthoglu. Naiknodi Israel igre jateula nhubra te thono mojadi ra eghu. Mare cheke eghu, ‘Ghehati gne theome tangomana te au fakeli na naugna ghehati gne jateula tela lehehi ra eghu. Gaoghathomi re glaꞌe fara naugna kantri igne la diꞌa fara.’