Nodi Khoje Hatimare Mae Jiu 88:1 - Buka Blahi Ka Cheke Holo

¹ Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.

Nodi Khoje Hatimare Mae Jiu 88:1 ပူးပေါင်းရင်းမြစ်များ

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Nodi Khoje Hatimare Mae Jiu 22:2

Nogu God, bongi narane na iara theome gnafa te kilo nigho na, nu iagho theome fameomegoni nagnafagu gne.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Nodi Khoje Hatimare Mae Jiu 86:3

Iagho na nogu God iara, iara tarai fabrahu ka iagho funu hamerane boibongi ghilei ke romno. Eghume, iagho kokhoni mei ghau iara.

Nodi Khoje Hatimare Mae Jiu 53:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Nodi Khoje Hatimare Mae Jiu 51:14

God, fakarhi ghau iara, thosei falehe ghau iara eigna unha puhi diꞌa teke eni iara ia. Iara ginauna koje kilo fafnakno nigho eigna te eni iagho puhi te doglo na.

Nodi Khoje Hatimare Mae Jiu 27:9

God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Ululahu Kings 4:31

Nogna gaoghatho te keli mana igne salaꞌu fara, salaꞌudi keha mae re, tulao, mae Etan vikegna mae Esra, nei salaꞌuni mae Heman, nei mae Kalkol, nei mae Dada, thilo thugna mae Mahol. Eghuteuna thoutonu eigna mana na tei posa ka kantri te gnafa te falithuini Israel.

Jenesis 49:18

Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Luku 2:30

Naugna mae teke vavahi iagho mala fakarhidi naikno te gnafare, gognaro iara la thofno filonihi ka tathagu na.

Luku 1:47

Ka nagnafagu na iara thofno gleale'a fara naugna God neke fakarhi ghau iara.

Profet Isaia 62:6

“Iara liliseihi mae mala toetoe ke kligna bara thina biꞌo ka namono Jerusalem. Mare theome au kmu bongi narane na. Uve, mare mala cheke ka Lord mala thosei ghatho ihoni mana nogna nhaꞌa cheke na.

Nodi Khoje Hatimare Mae Jiu 140:7

Lord, iagho ngala te fakarhi ghau iara ka nou nolaghi na. Iagho reireghi fakeli ghau iara kate magra na.

Nodi Khoje Hatimare Mae Jiu 79:9

God, togho ghami nei fakarhi ghami eghu ghehati sagho. Hata kokodi sagho nakhibomi ghehati gre, mala ghatho tahu nigho naikno te gnafa igre eghu.

Nodi Khoje Hatimare Mae Jiu 68:19

Tahati pala hagheni nanghagna noda Lord mae ihei te togho ghita leuleghu narane ka puhi biꞌo thoke ghita. God kaisei igne ngala te fakarhi ghita na.

Nodi Khoje Hatimare Mae Jiu 65:5

Kate tore ari nigho ghehati na, iagho cheke tughu ghami ghehati, ne tangomana ghehati te uluni u magra na. Iagho edi glepo biꞌo te mala fakarhi ghami ghehati na. Naikno te gnafa ka nauthoglu igne fatutuani nigho iagho.

Nodi Khoje Hatimare Mae Jiu 62:7

Kaisei God ngala te tangomana teke hata fapulo ghau nei tusu mei nafnakno teu ka iara na. Mana ngala mae nheta te mala doadofra ghau iara na, mala theome tangomana mae naokare te mei magri ghau iara na.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Nodi Khoje Hatimare Mae Jiu 24:5

Lord ginauna fablahini nafnata naikno igne eghuteuna fakarhani mana nei God kiloni mae igne “mae theo nakhibogna.”

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Ululahu Tesalonika 3:10

Eghuteuna ghehati tarai heta fabrahu eimi ghotilo bongi narane. Ghehati tarai mala tangomana teke filo ghami nei tusu ari tami gobigna lepo te nabami ghotilo mala farhetadi nomi fatutuani.

Ululahu Kronikols 2:6

Aonu mae Sera ne au glima thugna nalhaꞌu: Mae Simri, mae Etan, mae Heman, mae Kalkol nei mae Dada.

Fapea Timoti 1:3

Iara cheke fakelini God, eigna iara loku ranghini mana balu gaoghatho te klino ke ulugna God, jateu teke edi mae kuꞌeda tifa ra eghu. Leuleghu fata kate tarai re iara ghatho nigho fabrahu bongi narane.

Ululahu Kings 5:11

Leuleghu finogha na, King Solomon fatei kaisei gobi namnosalei thogha baeg wit te biꞌo, eghuteuna fati gobi thogha lita oliv oel eghu ka mae Hiram.

Ululahu Kronikols 6:18

Nanghadi fati thugna mae Kohat re neke mae Amram, mae Isha, mae Hebron nei mae Usiel.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.