Nodi Khoje Hatimare Mae Jiu 87:4 - Buka Blahi Ka Cheke Holo

⁴ God na ne cheke eghu, “Kate kahadi iara naikno te lase ghau iara re, iara ginau kaha naiknodi Ijep ghe Babilonia, nei naiknodi Filistia, nei Taea nei Itiopia. Iara na kahadi naikno igre balumi ghotilo eigna ghotilo kafe naiknomi Jerusalem ngala.”

Nodi Khoje Hatimare Mae Jiu 87:4 ပူးပေါင်းရင်းမြစ်များ

Nodi Khoje Hatimare Mae Jiu 45:12

Naiknodi ka namono Taea ginauna atha mei namha ka iagho. Eghuteuna mae te dedeire ginauna na jaola fariuriu nigho iagho mala magnahaghei nigho.

Nodi Khoje Hatimare Mae Jiu 68:31

Hatimare mae biꞌo ka gavman gna Ijep ginauna ari mala fanomho ka iagho. Hatimare maedi Sudan ginauna ngafa haghe khamedire mala tarai ka iagho.

Nodi Khoje Hatimare Mae Jiu 89:10

Iagho neke faleheni mogo biꞌo ka thongna te kiloi Rehab. Uve, iagho neke tapla sorudi nou naokare ka nou nolaghi biꞌo na.

Thoutonu Eigna Mae Job 9:13

Jame te diꞌatagna God na, theome loku fapulo diꞌatagna mana na. Neuba mae naoka te phile balugna nasava biꞌo Rehab ka nhorora na igne, God faꞌuka sorudi pari ke ulugna mana.

Thakle 18:2

Mana ne eha eghu fabiꞌo, “Namono biꞌo Babilon te nafnakno fara ia, la groꞌehi! La diꞌahi! La sugadihi naitu te gnafa nei namonodihi nanghaji te diꞌa te gnafa!

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Mae Khuru 8:27

Aonu mae Filip tarabana ne tei. Ka nabrou na mae Filip ne filoni kaisei mae biꞌogna Itiopia. Mana kaisei mae biꞌo te mala reireghi sileni ka Kadesi, nakrupe biꞌo te funei frunini namono Itiopia. Mana neke tei tarai Jerusalem,

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Isaia 19:11

Hatimare mae mala baubatu ka namono Soan, nodi namono biꞌo mae Ijep, mare fameomekro jateula glepo te theo nafudi eghu kolho. Eghuteuna nogna mae glalase king gna Ijep igre, mare tusu lao gaoghatho fameomekro ka mana. Tore! Jame teuna, faꞌunha eghu chekeni iagho ne lalase iagho teuna, eghuteuna faꞌunha eghu iagho tangomana te chekeni iagho neke vikedi mae king tifa ra teuna?

Nodi Khoje Hatimare Mae Jiu 137:1

Kani au teku Babilon na, ghehati neke gnokro soru pari ka geri khoꞌu na neke diꞌanagnafa kolho. Aonu ghehati fagefe haghe nomi gitare ka grege gajure kligna ne tanhi nomi kolho, naugna ghehati neke ghatho fapulo Saion.

Ululahu Samuel 17:8

Aonu, mae Golia kegra haghe ne eha eghu tei ka armi gna Israel na, “Ei, ghotilo nogna naikno sneka king Sol. Ghotilo mei unha agne? Ghotilo tarabana mala mei magra ka iara? Iara kaisei mae nhetagna Filistia! Ghotilo vahini kaisei nomi mae nheta mala mei magra ka iara.