Nodi Khoje Hatimare Mae Jiu 86:9 - Buka Blahi Ka Cheke Holo

⁹ Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Nodi Khoje Hatimare Mae Jiu 86:9 ပူးပေါင်းရင်းမြစ်များ

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Profet Isaia 66:23

Ka Gaghamu Khafa leuleghu nhigra, nei narane Sabat te gnafa teu igre, naiknodi kantri te gnafa igre ginauna mei pogho soru ka iara agne Jerusalem.

Nodi Khoje Hatimare Mae Jiu 66:4

Naikno te gnafa ka nauthoglu igne mare tufru soru nigho. Mare koje ne pala hagheni nanghamu na.”

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Nodi Khoje Hatimare Mae Jiu 102:15

Naikno te gnafa ka kantri te gnafa igre ginauna ghatho tahuni Lord. Uve, hatimare mae king ka nauthoglu na gre ginauna na jaola fafnaknoni mana eigna nogna nolaghi biꞌo na.

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Letas Teke Riso Tei Mae Pol Ka Khiloau Rom 15:9

Jaola mana neke eni igne mala tangomana naikno te theome Jiure te kilo fnaknoni God eigna God neke kokhonidi mare. Jateula te chekeni mare ka grioriso te blahi na, “Eghume iara ginauna cheke fakeli nigho God ke lamnadi iheire te theome Jiura, iara ginauna koje ka nanghamu iagho.”

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Profet Sekaraea 14:9

Lord ginauna King ka nauthoglu igne. Ka narane tuana, Lord ngala God na, eghuteuna naikno te gnafa heva te heva ka nauthoglu igne ginauna pogho soru ka mana kolho.

Profet Isaia 59:19

Lord ginauna mei jateula kaisei nabritha biꞌo ka narane te saeklon ra eghu funu ke maghati tei posa ke mosu. Eghuteuna naikno te gnafare ginauna ghatho tahuni nogna nafnakno nei nogna nolaghi biꞌo teu mana na.

Profet Isaia 11:9

Ka Thogele blahi Saion igne, naiknore ginauna theome tangomana te goigonidi gobigna lepo re, naugna nauthoglu igne ginauna fodu ka naikno te thofno laseni Lord, jateula thongna te fodu te salaꞌui ra eghu.

Nodi Khoje Hatimare Mae Jiu 102:18

Tahati mala rioriso soru glepo teke edi Lord re, mala tangomana naikno na teke karha mei ke leghure te iuꞌijudi nei cheke fakelini teu mana na. Uve, tahati rioriso eghu jare,

Nodi Khoje Hatimare Mae Jiu 72:19

Cheke fakelini nanghagna te fnakno tifa tifa. Nafnaknogna nogna nolaghi biꞌo God na mala tei posa ka namono te gnafa ka nauthoglu igne. Amen! Amen!

Nodi Khoje Hatimare Mae Jiu 67:7

God te fablahi ghita. Naikno te au heva te heva ka nauthoglu igne mala ghatho tahuni mana.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Nodi Khoje Hatimare Mae Jiu 72:8

Te keli na jame mana king ka kantri te gnafa gre, funu ke maghati tei posa ke mosu. Uve, funu ka Khoꞌu biꞌo Iufretis tei posa ka namono te gnafa ka nauthoglu igne.

Fapea Kronikols 6:33

Jame te eghuna, neuba iagho ne au neu kligna, fanomho mei ka nogna tharai mana na. Ka puhi igne, naikno te gnafa ka nauthoglu igne ginauna thofno laseni nanghamu iagho na, nei gaoghathomu iagho na, jateula nou naikno iagho te ghatho tahu nigho igre eghu. Eghuteuna mare ginauna laseni Sugablahi teke horo iara igne, thofno nou iagho.

Profet Sefanaea 3:9

“Ka Narane igne, iara ginauna tusu lao gaoghatho majaghani ka naikno te au ka kantri igre. Uve, gaoghathodi naikno igre ginauna majaghani mala pogho soru ghau iara, nei mala kaisei nagnafa eghu mala leghuni chekegu iara na.”

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’