Nodi Khoje Hatimare Mae Jiu 86:3 - Buka Blahi Ka Cheke Holo

³ Iagho na nogu God iara, iara tarai fabrahu ka iagho funu hamerane boibongi ghilei ke romno. Eghume, iagho kokhoni mei ghau iara.

Nodi Khoje Hatimare Mae Jiu 86:3 ပူးပေါင်းရင်းမြစ်များ

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Nodi Khoje Hatimare Mae Jiu 25:5

Nogu God, iagho ngala te fakarhi ghau iara na. Eghume, farirhiu ghau mala leghuni iara thofno chekemu na. Iara ofo nigho fabrahu mala togho ghau.

Luku 2:37

Eghuteuna ke leghugna te lehe khetogna na, naꞌa ne au kolho nabagna nhanasalei fati finogha. Anna gne theome tei kokoni u nogna Sugablahi God na nu bongi narane na naꞌa au kolho jare mala dangna nei tarai eghu.

Nodi Khoje Hatimare Mae Jiu 56:1

God, kokhoni ghau iara, eigna naikno gre la mei la magri ghau iara. Leuleghu fata na mae naoka igre mei kegra faligoho ghau iara.

Nodi Khoje Hatimare Mae Jiu 55:17

Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Nodi Khoje Hatimare Mae Jiu 4:1

God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Luku 18:7

Naiknore tanhi bongi narane ka God mala toghodi. Eghuteuna God ginauna tusu ranghidi fabrahu unha glepo te keli na, eghuteuna mana ginauna na theome phaipalighi te mala toghodire.

Nodi Khoje Hatimare Mae Jiu 41:5

Nogu naoka iara gre mare diꞌatadi ka iara neke cheke eghu, “Nabagna na mana ghosei lehe kolho mala ghatho iho nodani.”

Nodi Khoje Hatimare Mae Jiu 88:2

Fanomho mei sagho ka nogu tharai iara gre. Iara tanhi ari ka iagho mala togho ghau, eghume fanomho mei sagho ka iara.

Nodi Khoje Hatimare Mae Jiu 88:10

Ba? U kofubobhoi te edi iagho are mala fakakhana mae iheire tela lehehira sarea? Ba, mae iheire tela lehehira tangomana teke kegra haghe teke mala kilo fnakno nigho iagho na? Theo fara!