Nodi Khoje Hatimare Mae Jiu 86:2 - Buka Blahi Ka Cheke Holo

² Fakarha ghau kau glehe, naugna iara gne kaisei nou mae gloku iagho. Iara fatutuani nigho nei kaisei phile ka iagho eghu.

Nodi Khoje Hatimare Mae Jiu 86:2 ပူးပေါင်းရင်းမြစ်များ

Nodi Khoje Hatimare Mae Jiu 4:3

Ghatho fakelini si ghotilo cheke igne. Eigna Lord na vavahi naikno te doglo malagna thegna. Eghuteuna ka narane te kiloni iara na, Lord tangomana te nomhi ghau iara na.

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Nodi Khoje Hatimare Mae Jiu 119:94

Iara nou naikno iagho kolho, eghume iara thosei theo te fakarhi ghau iara na eghu. Tutuani, iara thofno fariuriu fara te mala leghudi nou cheke iagho re.

Nodi Khoje Hatimare Mae Jiu 31:1

Lord, iara mei ka iagho mala reireghi ghau iagho. Thosei snakredi nogu naokare mala mei tapla soru ghau iara. Lord, puhimu iagho na thofno keli fara. Iara tore nigho iagho mala fakarha ghau.

Nodi Khoje Hatimare Mae Jiu 18:19

Mana neke togho ghau iara neke hata fajifla ghau iara ka u glehe. Naugna mana neke keli tagna ka iara.

Nodi Khoje Hatimare Mae Jiu 16:1

God, iara te tore nigho mala reireghi fakeli ghau, naugna iara fatutuani nigho te mala bara fothi ghau na.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Nodi Khoje Hatimare Mae Jiu 143:12

Naugna te biꞌo iagho nou namha na ka iara gne, falelehe sagho nogu mae naoka iara gre, eigna mare goigoni ghau iara fara nou mae gloku gne.

Nodi Khoje Hatimare Mae Jiu 50:5

Ghopa maloa ghe nauthoglu ra fanomho ka God kate cheke teu mana ka nogna naiknore. Mana na cheke eghu, “Ghotilo nogu naikno iara teke nhaꞌa cheke balugu iara ra, nei fafara mala farerhetagna u nhaꞌa cheke igne teura, ghotilo khapru mei ke ulugu iara.”

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Nodi Khoje Hatimare Mae Jiu 31:14

Nu Lord, iara au nogu grouronu ka iagho. Te chekeni iara na, iagho nogu God iara.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.