Nodi Khoje Hatimare Mae Jiu 86:14 - Buka Blahi Ka Cheke Holo

¹⁴ God, naikno te thono fahaehaghedi fara igre mare figri tagru nigho gognaro na. Uve, kaisei tothoghei naikno te thono diꞌa fara puhidire tirodi fara te fanomho ka iagho na, mae igre magnahaghei te falehe ghau iara.

Nodi Khoje Hatimare Mae Jiu 86:14 ပူးပေါင်းရင်းမြစ်များ

Nodi Khoje Hatimare Mae Jiu 54:3

Naikno te patu gama igre mare la meihi, mare magnahaghei te mei magri ghau iara. Mae igre rodi magridi keha naiknore, mare magnahaghei te falehe ghau la iara. God na theo nafugna kolho ka gaoghathodire.

Nodi Khoje Hatimare Mae Jiu 36:1

U nakhibo na au ka thi'agna mae te gnognoro na eghuteuna mana leghuni fabrahu puhigna nakhibo na. Mae te gnognoro igne tirogna mhaghuni God, nei theome ghatho tahuni eghu God.

Nodi Khoje Hatimare Mae Jiu 14:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Profet Esikiel 9:9

Mana ne cheke eghu ka iara, “Naiknodi Israel nei Juda teu igre edi kmana glepo te diꞌa fara. Mare aknu falehe kmana naikno fara heva heva ka namono igne, eghuteuna mare edi thua nafnotu glepo te theome doglo. Mare cheke eghu, ‘Lord na la tei kokonihi noda namono tahati igne. Mana theome tangomana te filo ghita tahati na.’

Profet Esikiel 8:12

Aonu Lord ne cheke eghu ka iara, “Maegna ka nauthoglu. Ba, iagho la filoni glepo te eni poru mae mala baubatu ka naiknodi Israel igre? Mare tei ne poru ke lamnagna nodi vido blahi na, mala tarai ka nodi mumuju god na. Eghuteuna mare ne cheke eghu, ‘Lord na theome tangomana te filo ghita na. Mana la tei kokonihi noda kantri tahati igne.’ ”

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Nodi Khoje Hatimare Mae Jiu 119:85

Naikno te fahaehaghe fara te tirodi leghudi nou famane farirhiu iagho na igre, fariuriu fara te mala leghudi iara puhidi te diꞌare.

Nodi Khoje Hatimare Mae Jiu 119:69

Naikno te fahaehaghe fara igre toutonu chaichaghi eigu iara, nu ka gaoghathogu fateote'o iara na, iara leghudi fabrahu kolho nou famane cheke iagho ra.

Nodi Khoje Hatimare Mae Jiu 119:51

Naikno te fahaehaghe igre mare maꞌe ghau iara nu iara theome ghatho ihodi nou famane farirhiu iagho re.

Nodi Khoje Hatimare Mae Jiu 36:11

Thosei snakredi mae te fahaehaghe re mala mei magra ka iara. Iagho thosei snakredi mae te diꞌa puhidire mala kuru tei ghau iara.

Nodi Khoje Hatimare Mae Jiu 10:13

God, mala unha eghu sagho te snakreni mae igne te filo fapari nigho gnea? Mala unha eghu sagho te cheke eghu ni mana gnea, “God na theome tangomana te para ghau iara na?”

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 10:4

Mae te diꞌa igne mana tirogna ghatho tahuni God. Mana ne lalasehi thegna neu ne cheke eghu, “God na theome tangomana te lasedi nei nangadi teu puhi najafra teke edi iara re.”

Fapea Samuel 17:14

Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.

Fapea Samuel 16:20

Aonu mae Absalom ne ghusna eghu ka mae Ahitofel, “Cheke meini sagho unha te ghathoni iagho na. Unha nate eni iara na?”

Nodi Khoje Hatimare Mae Jiu 54:5

God na tangomana te goigonidi nogu naoka iara re. Puhi te diꞌa teke edi mare ka iara re, mana tangomana teke eni fafigri ka mare puhi te diꞌa tuana. God, thosei tei koko ghau, nu iagho tangomana te fahuidi naoka igre!