Nodi Khoje Hatimare Mae Jiu 85:9 - Buka Blahi Ka Cheke Holo

⁹ Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Nodi Khoje Hatimare Mae Jiu 85:9 ပူးပေါင်းရင်းမြစ်များ

Profet Sekaraea 2:5

Iara thegu ginauna gringni thina te mala reireghini namono igne jateula khaꞌaghi te phae ligoho ra eghu. Eghuteuna nogu nolaghi biꞌo iara na ginauna phae lamna ka namono igne.’ ”

Profet Isaia 46:13

Gognarona, puhigu iara te doglo igne la namo mei fara. Tutuani fara, glepo igne ginauna ghosei thoke mei. Iara ginauna na fakarhini Jerusalem, eghuteuna iara ginauna pala haghedi nanghadi nogu naikno Israel.”

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Profet Esikiel 26:20

Eghuteuna iara ginauna kuru tei ghami ghotilo ka namonodi naikno teke lehe ra, mala au baludi iheire teke lehehi tifa ra. Ghotilo ginauna soru pari lamna glose mala au fabrahu baludi mae teke lehe ka namono tela diꞌahi ra. Eghuteuna ghotilo ginauna theome tangomana na teke karha fapulo kau glehe na.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Mae Khuru 13:16

Mae Pol ne kegra haghe ne eni fagaglana ka khamegna na mala fanomho fakeli mare, ne cheke eghu, “Ghotilo maemi Israel nei ghotilo naikno te theome Jiu te mei ka tharai te mala pogho soru ranghini God, ghotilo fanomho fakeli ka iara.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Profet Isaia 4:5

Ka narane igne, Lord ginauna kuruni kaisei khoveo mala mei jateula gagahu eghu toku tafruni Thogele Saion baludi naikno te salofodu te tarai teu jare, eghuteuna bongiro na mana ginauna kuru mei khaꞌaghi. Mana ginauna toku soru ke klignadi nogna nolaghi na jateula kaisei suga tapuale eghu.

Nodi Khoje Hatimare Mae Jiu 119:155

Iagho ginauna thosei fakarhidi naikno te diꞌa are, naugna mare ne tirodi leghudi nou vetula iagho re.

Ululahu Samuel 3:9

Aonu mae Eli ne cheke eghu ka mana, “Ke pulo thuru sagho.” Eghuteuna jame te nomhini iagho te kilo nigho mana na, iagho na cheke eghu, “Lord, cheke mei sagho. Iara nou mae gloku iagho, iara fanomho kobau ka iagho.” Aonu mae Samuel ne nomhini nogna cheke mae Eli igne neke pulo thuru ka nogna sape na.

Profet Jeremaea 23:35

Jame te keli na ghotilo ghusna eghu ka kherami nei mae thabusimi teure, ‘Unha cheke tughu te famei Lord na?’ ba, ‘Unha te chekeni Lord na?’

Profet Jeremaea 23:37

Jame kaisei mae magnahaghei ghusnani kaisei mae profet, te keli na mana cheke eghu, ‘Unha nogna cheke tughu Lord na?’ Ba ‘Unha te chekeni Lord na?’

Profet Jeremaea 29:11

Iara Lord, iara ghathonihi unha te magnahaghei eni iara te mala togho ghami ghotilo na. Iara magnahaghei ghami ghotilo te au fakeli fabrahu mala theo kaisei puhi biꞌo nate thoke ghami ghotilo na. Iara magnahaghei ghami ghotilo te fatutuani ghau iara ghilei thoke mei narane te vahini iara na.

Profet Esikiel 3:10

“Maegna ka nauthoglu. Famane fanomho mei ka iara, eghuteuna ghatho fakelidi cheke teke chekedi iara ka iagho ra.

Profet Habaku 2:1

Uve, iara ginauna na jateula mae te kegra ke kligna bara gna namono na filo teura eghu. Iara ofoni Lord mala nomhini unha nate chekeni mana ka iara na, nei mana ginauna cheke tughuni unha teke chekeni iara ka mana ia.