Nodi Khoje Hatimare Mae Jiu 85:8 - Buka Blahi Ka Cheke Holo

⁸ Iara nomhini unha te chekeni nogu God na ka nogna naiknore. Mana neke nhaꞌa cheke eigna pharikeli, eghu jame teke figri tahati ka puhi fameomekro teke edi tahati ra.

Nodi Khoje Hatimare Mae Jiu 85:8 ပူးပေါင်းရင်းမြစ်များ

Nodi Khoje Hatimare Mae Jiu 29:11

Lord na tusu ranghi ghita tahati nogna naikno gre nanheta nei pharikeli.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Profet Sekaraea 9:10

“Iara ginauna hata fadelei hose nei chariot teu igre mala theome magra mae soldia di Israel nei Jerusalem. Iara ginauna goigoni fahui nodi phaloho mala magra mare are. King igne ginauna au fakeli baludi keha kantri are nei king di keha kantri te funu ke maghati Thongna Lehe tei posani thongna ke mosu, eghuteuna funu ke raru Khoꞌu biꞌo Iufretis, tei posa ka khukrugna nauthoglu.”

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Profet Habaku 2:1

Uve, iara ginauna na jateula mae te kegra ke kligna bara gna namono na filo teura eghu. Iara ofoni Lord mala nomhini unha nate chekeni mana ka iara na, nei mana ginauna cheke tughuni unha teke chekeni iara ka mana ia.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Nodi Khoje Hatimare Mae Jiu 130:4

Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.

Jenesis 34:7

Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Fapea Tesalonika 3:16

Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 20:19

Kau grafi Sade, mae fanomhore kafe au neu ka suga na. Mare ne kafe bibilakhi famaku grengathare, naugna mare ne mhaghudi mae biꞌodi hatimare mae Jiu. Eghuteuna, kau vido tuana mae Jisas mei ne kegra farihoteidi mare. Mana ne cheke eghu ka mare, “Pharikeli na au ka ghotilo!”

Jone 8:11

Naꞌa ne cheke eghu ka mana, “Funei, theo kaisei ka reꞌe.” Mae Jisas ne cheke eghu ka naꞌa, “Iara theome tangomana la te fate nigho na. Jifla tei sagho nu thosei ke eni kaisei najafra eghu!”

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Profet Hagae 2:9

Eghuteuna Sugablahi majaghani igne ginauna famane fara salaꞌuni Sugablahi ulu ia. Eghuteuna naiknore, ginauna au fakeli nei au ka pharikeli. Iara Lord te chekeni igne!”

Profet Isaia 57:19

Neuba ghotilo ne tei au kate khaba, ba au kate namo, iara magnahaghei ghami ghotilo te au ka pharikeli. Uve, iara ginauna togho ghami ghotilo mala ke pulo mei.

Proveb 25:11

Kate thoke mei thofno narane te mala cheke iagho na, iagho famane cheke, tuana jateula famane gano ka tapera gol ra eghu.

Nodi Khoje Hatimare Mae Jiu 50:5

Ghopa maloa ghe nauthoglu ra fanomho ka God kate cheke teu mana ka nogna naiknore. Mana na cheke eghu, “Ghotilo nogu naikno iara teke nhaꞌa cheke balugu iara ra, nei fafara mala farerhetagna u nhaꞌa cheke igne teura, ghotilo khapru mei ke ulugu iara.”

Proveb 27:22

Neuba iagho ne parani fara naikno te fameomekro na, iagho theome tangomana te koko puhigna mae te fameomekro na.

Ululahu Samuel 25:25

Iagho those ghathoni Nabal, mae igne theome ghatho tahuni ihei. Iagho laseni, nangha Nabal teu igne gaoghathogna na, ‘Fameomekro.’ Eghume, puhigna na nanaba fara ka nanghagna thegna na. Funei, iara neke theome au kani teke mei nou mae majaghani iagho ra.