Nodi Khoje Hatimare Mae Jiu 85:6 - Buka Blahi Ka Cheke Holo

⁶ Ke farerheta fapulo sagho nakarhami ghehati gre. Eigna ghehati gne nou naikno iagho mala tangomana ghehati te kilo fnakno nigho na.

Nodi Khoje Hatimare Mae Jiu 85:6 ပူးပေါင်းရင်းမြစ်များ

Profet Habaku 3:2

Lord God, iara nomho thoutonu eidi thua nafnotu fateote'o teke edi iagho tifara. Eghume, iara thofno ghatho tahu nigho. Iara tore nigho mala eni iagho unha te edi gognaro gre nei unha teke edi iagho tifara. Neuba iagho ne diꞌatamu ka ghehati, iara tore nigho mala kokhoni ghami ghehati.

Nodi Khoje Hatimare Mae Jiu 80:18

Jame te eghu na, ghehati theome tangomana te ghatho iho nigho na. Taji fakeli ghami, eghuteuna ghehati ginauna na kilo fnaknoni nanghamu iagho na.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 90:14

Leuleghu hamerane na, falase meini sagho ka ghehati nou namha te biꞌo na. Jame te eghu iagho na, ghehati ginauna na koje nei glealeꞌa eghu fabrahu.

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.

Nodi Khoje Hatimare Mae Jiu 53:6

Iara toreni fara noda God mae ihei te au ka Thogele Saion te mala snakreni kaisei mae te mala fakarha ghita ka khamedi noda naokare. Ka narane tuana tahati na thofno glealeꞌa noda, eigna God na togho ghita tahati maeda Israel.

Nodi Khoje Hatimare Mae Jiu 138:7

Kate thoke ghau iara hoholo na, iagho fakarhi ghau iara. Iagho tapla fapari nodi mae nogu naoka iara re, iheire te diꞌa tadi fara ngala ka iara. Iagho fakarhi ghau ka nou nolaghi na.

Profet Jeremaea 33:11

naiknore na eha fabiꞌo, naugna mare ne thono gleale'a fara. Mare jaola na nomhidi khojedi mae sua nalhaꞌu nei goro sua gaꞌase ka gaghamu tholaghi. Eghuteuna mare tangomana te nomhidi naikno te atha gano te tei ka Sugablahi na mala kilo fnakno ka iara. Naikno igre ginauna eha eghu: “ ‘Tahati cheke fakelini Lord mae ihei te au nolaghi fateote'o, naugna mana thofno keli fara. Uve, mana namha ghita fabrahu.’ Glepo igre thoke mei naugna iara ginauna eni nomi glose ghotilo igne mala ke keli fapulo jateula tifa ia eghu.” Igne cheke gna Lord.

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Nodi Khoje Hatimare Mae Jiu 77:8

Ba? Nogna namha biꞌo mana ka ghehati ia la theo hila sia? Ba? Nogna nhaꞌa cheke mana ka ghehati ia la theo hila sia?

Profet Jeremaea 3:5

Iagho diꞌatamu ka ghehati gognaro na? Te eghu na, niha nau nate gnafa iagho te diꞌatamu ka ghehati na? Niha fata para ghami ghehati sagho ia?’ Igne nomi cheke kolho ghotilo, nu ghotilo theome gnafa te eni puhi te diꞌa na.”