Nodi Khoje Hatimare Mae Jiu 85:13 - Buka Blahi Ka Cheke Holo

¹³ Tahati ginauna kulu fadoglighu puhidare eghuteuna ka puhi igne tahati na tangomana te kaikaliti u nabrou malagna God.

Nodi Khoje Hatimare Mae Jiu 85:13 ပူးပေါင်းရင်းမြစ်များ

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Ululahu Pita 4:1

Kani au teku ka nauthoglu igne, mae Kraes neke au papara ka thinigna thegna. Ghotilo jame jaola au nafnata gaoghatho te au ka mana igne mala kegra heta. Naugna ihei te au papara na, mana ginauna theome tangomana te leghuni puhigna nakhibo na.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Profet Isaia 58:8

Jame te eni ghotilo puhi te magnahagheni iara igne na, iara ginauna atha fadelei khabrumi ghotilore, jateula naprai hamerane te atha fadelei u gromno bongiro ra eghu. Eghuteuna iara ginauna na ghosei fakeli fapulo ghami ghotilo. Uve, iara ginauna na baubatu ghami ghotilo leghuni puhigu iara te doglo igne, eghuteuna nogu nolaghi biꞌo iara na ginauna phae faligoho ghami ghotilo.

Nodi Khoje Hatimare Mae Jiu 119:35

Baubatu ghau ka puhimu iagho, naugna kate leghudi iara nou cheke iagho re, iara thono kelitagu fara.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Profet Jeremaea 31:14

Mare ginauna atha mei kmana gano ka iara, eghume mae pris ginauna au ghedi kmana gano te keli. Eghuteuna iara ginauna toghodi nogu naiknore mala gleale'a ka glepo te keli nate tusu ranghidi iara re.” Igne cheke gna Lord.

Profet Esikiel 36:30

Nomi gaju ghotilo ka nagare na are ginauna au kmana sisi tadi, eghuteuna ghemi nagare ghotilo are ginauna jaola au kmana gano tadi, aonu ghotilo ginauna theome tangomana te rofo na. Ghotilo ginauna na theome tangomana te mamaja ka tathadi naiknodi keha kantri are.