Nodi Khoje Hatimare Mae Jiu 85:12 - Buka Blahi Ka Cheke Holo

¹² Tutuani fara God ginau tusu mei kmana glepo te keli ka tahati, eghuteuna glose igne ginauna thofno keli fara mala au kmana gano na.

Nodi Khoje Hatimare Mae Jiu 85:12 ပူးပေါင်းရင်းမြစ်များ

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Nodi Khoje Hatimare Mae Jiu 67:6

Nauthoglu tahati igne fodu nei vuragha eghu ka gano. Naugna noda God te pogho soruni tahati igne mana ne fablahi ghita.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Matiu 13:23

Sisi te sukha ka glose te keli na igre eidi iheire te thofno nomhini nei lase fakelini chekegna God. Eghuteuna ure thokeni kaisei gobi sisi, namno salei sisi, nei tolufulu sisi.”

Profet Sekaraea 8:12

“Ghotilo ginauna tangomana te au fakeli, eghuteuna nomi nagare ghotilo are ginauna kotu fakeli. Nomi gaju grep ghotilo are ginauna ure kmana sisi, eghuteuna gano te joꞌu ghotilo re ginauna au kmana gano, naugna famane nakhete ginauna mei. Leuleghu fata iara ginauna fablahidi iheire te karha teu ka glepo te keli igre.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Nodi Khoje Hatimare Mae Jiu 72:16

Te keli na jame kantri ghehati gne mala au kmana gano fara, eghuteuna thogele igre ginauna fodu ka gano. Te keli na jame glose ghehati igre au kmana gano jateula glose gna Lebanon eghu. Eghuteuna te keli na jame namono biꞌo te au ghehati gre ginauna fodu ka naikno jateula kaisei sare te fodu ka buburu ra eghu.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Matiu 13:8

Eghuteuna kehare soru ka glose te keli, aonu reꞌe ne famane kotu ne ure. Kehare thokeni kaisei gobi sisi, kehare namno salei sisi, aonu kehare tolufului sisi.”

Profet Isaia 32:15

Gobigna lepo igre ginauna eghu fabrahu ghilei thoke mei narane Lord nate kuru mei funu kligna Tharunga gna na ka tahati. Ka narane tuana, ginauna na jateula namono nagou te famane vido te mala joꞌu ganora eghu, eghuteuna nagare re ginauna famane karha kelidi fara.

Levitikas 25:19

Jame te eghu ghotilo na, nomi glose ghotilo igne ginauna au kmana gano, eghuteuna ghotilo ginauna theome tangomana te kmoꞌe ka gano na, eghuteuna ghotilo ginauna tangomana te au fakeli ka vido tuana.

Profet Isaia 45:8

“Maloa nei ghotilo khoveo teura! Ghotilo snakreni puhigu iara te doglo gne mala soru mei jateula nakhete eghu ka nauthoglu igne. Iagho glose ia! Iagho snakreni puhigu iara na mala fakarhidi naikno te kotu haghe jateula buburu teu igre, eghuteuna snakreni puhigu iara te doglo gne mala jaola kotu haghe. Iara Lord te edi glepo igre.”