Nodi Khoje Hatimare Mae Jiu 85:11 - Buka Blahi Ka Cheke Holo

¹¹ Ka nauthoglu igne na, naiknore mala leghuni puhigna God na. Jame te eni mare igne na, God gna kligna na ginauna cheke eghu, “Mare au doglo ka tathagu iara na.”

Nodi Khoje Hatimare Mae Jiu 85:11 ပူးပေါင်းရင်းမြစ်များ

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Profet Isaia 45:8

“Maloa nei ghotilo khoveo teura! Ghotilo snakreni puhigu iara te doglo gne mala soru mei jateula nakhete eghu ka nauthoglu igne. Iagho glose ia! Iagho snakreni puhigu iara na mala fakarhidi naikno te kotu haghe jateula buburu teu igre, eghuteuna snakreni puhigu iara te doglo gne mala jaola kotu haghe. Iara Lord te edi glepo igre.”

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Isaia 53:2

Lord snakreni nogna mae gloku na mala karha haghe jateula kaisei gaju ikoi te karha majaghani ka vido te moja ra eghu. Mae gloku igne theome famane mae ka tathadi naiknore, eghuteuna theo kaisei naikno te magnahaghei filo ka mana na. Theo glepo te keli te filoni ka mana, te mala magnahagheni mare na.

Profet Isaia 42:21

Lord kelitagna fara te kilo fnakno ka puhigna mana te doglo. Eghuteuna mana magnahaghedi fara nogna naiknore te kilo fnaknoni mana nei nogna vetula.

Profet Isaia 4:2

Kate thoke mei narane tuana, nogna grege gaju Lord na ginauna kotu seke majaghani, eghuteuna nanghagna Lord na ginauna fnakno. Naiknodi Israel te au faleghu teu igre ginauna thofno keli tadi fara, naugna Lord ginauna fablahini glose igne mala vuragha kmana gano.

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Nodi Khoje Hatimare Mae Jiu 72:3

Te toreni iara ka iagho na vido ka thogele na are ginauna karha kmana gano maladi nou naikno iagho gre naugna puhidi nou naikno iagho re thofno doglo fara.