Nodi Khoje Hatimare Mae Jiu 85:10 - Buka Blahi Ka Cheke Holo

¹⁰ God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Nodi Khoje Hatimare Mae Jiu 85:10 ပူးပေါင်းရင်းမြစ်များ

Proveb 3:3

Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.

Nodi Khoje Hatimare Mae Jiu 89:14

Iaghou ngala King na eghuteuna puhimu iaghore kafe doglo fara. Iagho fatedi koba naiknore ka puhi te doglo fara. Gobigna lepo te edi iagho re falaseni nou namha biꞌo iagho na ka naiknore, eghuteuna iagho tajini fabrahu nou nhaꞌa cheke na.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Nodi Khoje Hatimare Mae Jiu 100:5

Lord na thofno keli fara, nei mana namha ghita fabrahu. Eghuteuna nogna nhaꞌa cheke na theo ka huigna.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Nodi Khoje Hatimare Mae Jiu 72:3

Te toreni iara ka iagho na vido ka thogele na are ginauna karha kmana gano maladi nou naikno iagho gre naugna puhidi nou naikno iagho re thofno doglo fara.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Isaia 45:24

Naiknore ginauna chekeni te nheta iara na, eghuteuna puhigu iara na doglo.” Nu iheire te tirodi ghau iara re ginauna thono mamaja nodi fara.

Hibru 7:2

Aonu ka narane tuana mae Ebraham ne fofota gobigna lepo teke hata ka magra re, mana ne tufa ka mae Melkisedek fabothodi glepo tuare. Eghuteuna gaoghathogna u nangha Melkisedek teu igne. Ulu lahu na, “Mae king gna puhi te doglo.” Fapea na, “Mae king gna pharikeli.” Naugna nanghagna namono mana na kiloi “Salem”, ba “Pharikeli”.

Letas Teke Riso Tei Mae Pol Ka Khiloau Rom 5:1

Naugna tahati neke fatutuani ni God, mana la fadoglo ghitahi ke ulugna thegna. Tutuani, noda Lord Jisas Kraes neke togho ghita mala au tahati kau pharikeli balugna God.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Profet Isaia 46:13

Gognarona, puhigu iara te doglo igne la namo mei fara. Tutuani fara, glepo igne ginauna ghosei thoke mei. Iara ginauna na fakarhini Jerusalem, eghuteuna iara ginauna pala haghedi nanghadi nogu naikno Israel.”