Nodi Khoje Hatimare Mae Jiu 84:7 - Buka Blahi Ka Cheke Holo

⁷ Kate haghe naiknore Saion na, mare nake heta fapulo, naugna mare ginauna na filoni God.

Nodi Khoje Hatimare Mae Jiu 84:7 ပူးပေါင်းရင်းမြစ်များ

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Nodi Khoje Hatimare Mae Jiu 43:3

Snakre meidi sagho naphaemu nei thofno chekemu teure. Iara magnahaghedi naphaemu nei chekemu teu gre te mala batu ghau te mala atha fapulo ghau ka sugamu te blahi te au ka nou namono blahi Saion, ka vido aheva te au teu iagho na.

Diutronomi 16:16

“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Profet Jeremaea 31:6

Ka narane igne, mae te toetoe ke kligna thogele Efrem igne ginauna eha eghu fabiꞌo, ‘Mei ghotilo! Tahati ari ke kligna Thogele Saion mala pogho soru ka Lord noda God!’ ”

Ululahu Tesalonika 4:17

Ke leghugna igne, tahati karha au teu ka nauthoglu igne God ginauna salo fodu haghe ghita baludi mare ke lamna grokho mala thafoni Lord ka maloa. Eghuteuna tahati ginauna au balugna Lord tifa tifa.

Jone 6:39

Mae ihei teke kuru mei ghau iara na mana theome magnahaghei ghau iara te lisa lao mala sniki kaisei naikno teke chekedi mana mala reireghidi iara teku igre, nu mala fakarha fapulodi iara kau narane leghu lahu na.

Profet Sekaraea 14:16

Aonu leghu finogha na, naiknodi keha kantri teke mei magra Jerusalem igre karhau, mare ginauna mei Jerusalem mala kilo fnaknoni Lord, King ihei te au nolaghi fateote'o, nei mala eni Narane biꞌo te mala Au ka Grorofe Ikoi.

Profet Isaia 46:13

Gognarona, puhigu iara te doglo igne la namo mei fara. Tutuani fara, glepo igne ginauna ghosei thoke mei. Iara ginauna na fakarhini Jerusalem, eghuteuna iara ginauna pala haghedi nanghadi nogu naikno Israel.”

Luku 2:24

Josep ghe Meri jaola ne tei mala fafara jateula te eghu ka nogna vetula God na, “Ghotilo hata mei phei balhu ba phei thukmu.”

Profet Isaia 58:11

Iara ginauna baubatu ghami ghotilo fabrahu, eghuteuna tusu ari glepo te keli mala glealeꞌa ghotilo. Iara Lord ginauna reireghi ghami ghotilo mala rheta nei theome fogra eghu ghotilo. Ghotilo ginauna na jateula kaisei nagare te soru mei nakhete tagna, ba jateula kaisei glokha khoꞌu te theome krango ra eghu.

Profet Esikiel 34:26

Iara ginauna fablahi vido nei namhata eghu te au faligohoni nogu thogele blahi iara igne. Iara ginauna kuruni nakhete mala soru mei ke kligna glose ka thofno nogna narane na, mala kotu kmana glepo te keli.