Nodi Khoje Hatimare Mae Jiu 84:11 - Buka Blahi Ka Cheke Holo

¹¹ Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Nodi Khoje Hatimare Mae Jiu 84:11 ပူးပေါင်းရင်းမြစ်များ

Proveb 2:7

Mana tangomana te toghodi gaoghathodi naikno te doglo re, eghuteuna reireghidi naikno te leghuni unha te tutuani na.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Filipae 4:19

Eghume, noda God mae ihei te khotodi gobigna lepo te gnafare, mana ginauna tusu ranghi ghami ghotilo unha te magnahaghedi ghotilo na. God tangomana te eni igne ka tahati, naugna tahati nogna naikno mae Jisas Kraes.

Nodi Khoje Hatimare Mae Jiu 85:12

Tutuani fara God ginau tusu mei kmana glepo te keli ka tahati, eghuteuna glose igne ginauna thofno keli fara mala au kmana gano na.

Proveb 10:9

Mae te doglo na ginauna au fakeli. Nu mae te eni puhi te diꞌa na theome tangomana te pophoru puhigna na.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Nodi Khoje Hatimare Mae Jiu 3:3

Lord, iagho mala jateula nogu greoreo eghu iara ka hoholo te thoke ghau iara igre. Iagho ngala te loku haghe ghau iara na nei loku fapuloni nagnafagu iara na.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Proveb 28:18

Ihei te leghuni puhi te doglo na, ginauna au fakeli. Nu ihei te leghuni puhi te diꞌa na, mana ginauna au papara.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Filipae 1:6

God mae ihei teke fufunu gna u gloku karha na ka nakarhami ghotilo re, mana ginauna eni fabrahu u gloku te keli tuana ghilei gnafa ka narane na teke pulo meigna mae Jisas Kraes. Eghuteuna iara thono fatutuani ni fara igne.

Nodi Khoje Hatimare Mae Jiu 15:2

Uve, jame ihei ngala te leghudi nei edi teu koba teu gobigna lepo te keli fara ka tathamu iagho na. Nogna chekere mala tutuani nei keli eghu koba,

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Nodi Khoje Hatimare Mae Jiu 119:114

Kaisei iagho ngala nogu vido te keli te mala poru iara na. Eigna iara thofno fatutuanidi nou cheke iagho te tutuani re.

Proveb 28:6

Mae te kuma nu leghuni puhi te doglo na teuna, mana keli fara uluni mae dedei te leghuni puhi te diꞌa na.

Profet Maeka 2:7

Ghotilo naiknomi Israel! Ghotilo thosei mala cheke eghu. Jame Lord theome diꞌatagna, mana theome edi glepo teu la tuana eghu. Jame te leghudi ghotilo puhigna mana te doglore, ghotilo ginauna magnahaghei te nomhidi nogu cheke iara re.

Galesia 2:14

Nu kate filodi iara mare te theome tei doglo fei thofno cheke te tutuani gna u Nonomho te Keli na, iara cheke eghu ka mae Pita ke uludi mare gnafa, “Iagho kaisei mae Jiu, nu iagho theome au jateula mae Jiu eghu kolho. Theo. Iagho au jateula mae te theome Jiu. Eghume iagho theo kaisei nou nolaghi te mala huhurudi naikno te theome Jiu igre te mala leghudi nodi kastom mae Jiure.”

Nodi Khoje Hatimare Mae Jiu 84:9

God, iagho ngala teke vavahi na nomi king ghehati gne! Fablahini mana sagho.

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Diutronomi 18:2

Mare ginauna na theome khotogna kaisei vido glose jateula ghotilo kheradi mare igre eghu. Naugna gobigna lepo te magnahaghedi mare re, Lord ginauna tusu ranghidi mare leghuni unha teke nhaꞌa chekeni mana na.