Nodi Khoje Hatimare Mae Jiu 83:2 - Buka Blahi Ka Cheke Holo

² Filo sagho! Hatimare mae naoka gre la kaikaliti te mala magri nigho iagho na. Uve, mae iheire te theome magnahaghei nigho iagho re jaola magri nigho iagho.

Nodi Khoje Hatimare Mae Jiu 83:2 ပူးပေါင်းရင်းမြစ်များ

Nodi Khoje Hatimare Mae Jiu 81:15

Uve, jame fanomho koba nogu naikno re ka iara meuna, iara ginauna na famamhagudi naikno te tirodi ghau iara gre. Eghuteuna iara ginauna paradi fabrahu naikno te diꞌa tuare.

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Profet Jeremaea 1:19

Mare ginauna diꞌatadi fara ka iagho, nu mare ginauna na theome tangomana te tapla fapari nigho iagho na. Naugna iara ginauna na au balumu iagho mala reireghi fakeli nigho. Igne chekegna Lord!”

Profet Isaia 17:12

Tore! Naiknodi keha kantri igre jateula galo biꞌo te mei poha ke kligna khalaꞌe ka narane saeklon ra eghu.

Jajis 8:28

Igne unha te eni maedi Israel te uluni armigna Midian, eghuteuna mare theome nheta naba te magrini Israel. Eghume Israel ne au ka pharikeli nabagna phiatutu finogha ne ghilei lehe Gidion.

Mae Khuru 23:10

Fapholai igne ne ghilei vuhai magra biꞌo, eghuteuna mae funei biꞌodi mae armi gre mhaghu nogna glahula mei mare korho sasakani mae Pol. Aonu mana ne chekedi nogna mae soldiare mala soru hata fadeleini mae Pol ka hatimare mae mala fate, mala hata fapuloni mana ka suga aheva te au hatimare mae armi re.

Mae Khuru 22:22

Naiknore fanomho neu ka mae Pol ne ghilei chekeni mana igne. Aonu naiknore ne funu eha fabiꞌo eghu, “Faleheni! Mae igne theome nabagna te karha!”

Mae Khuru 21:30

Naikno te gnafa ka namono biꞌo Jerusalem na ne diꞌa tadi fara, naugna puhi igne ne tei tongana ke lamnagna namono biꞌo na. Mare kafe chari ne mei ka vido tuana ne lokini mae Pol, korho ne jifla ka Sugablahi na ne ghosei ne bobotho grengathare.

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Mae Khuru 16:22

Nakhapru kulu au tekeu jare na ne kaisei loku fodu ne diꞌa tadi fara ka mae Pol ghe mae Silas. Mae mala fate gre ne chekedi mae soldiare mala hata koko nodi pohe mae Pol ghe mae Silas re mala puridi phiamare ka gaju.

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Profet Isaia 37:23

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te blahi fara, nu iagho cheke fapari ghau iara!

Nodi Khoje Hatimare Mae Jiu 93:3

Lord God, naogladi nhorora gre thono biꞌo fara. Uve, thofno oa'ongha fabiꞌo fara.

Nodi Khoje Hatimare Mae Jiu 74:23

Nou naoka iagho gre mare eha fadiꞌa nigho fabrahu kolho. Eghume iagho thosei ghatho iho te mei paradire eghu.

Nodi Khoje Hatimare Mae Jiu 74:4

Nou naoka iagho gre neke eha fabiꞌo ke lamna nou Sugablahi iagho, naugna mare la ulu ghami hila ghehati ka magra na. Mare gognaro na la rafe haghe hila nodi flagi na jare, fagaglana eigna mare tela ulu ghamihila ghehati na.

Fapea Kings 19:28

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.’ ”

Nodi Khoje Hatimare Mae Jiu 109:1

God, iara kilo fnakno nigho koba! Thosei au kmu, filo mei kolho ka iara sagho!