Nodi Khoje Hatimare Mae Jiu 83:18 - Buka Blahi Ka Cheke Holo

¹⁸ Lord God, te thofno keli fara na jame mare laseni eigna te iagho ngala God mae ihei te thofno fnakno fara na, eghuteuna iagho ngala king te funei frunidi naikno te gnafa ka nauthoglu igne.

Nodi Khoje Hatimare Mae Jiu 83:18 ပူးပေါင်းရင်းမြစ်များ

Eksodas 6:3

Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.

Nodi Khoje Hatimare Mae Jiu 59:13

Eghume te keli na iagho diꞌatamudi nei falehedi eghu. Fahui aridi sagho naikno te diꞌa tuare. Te eghu iagho na, naiknore ginauna laseni te iagho ngala God na, mae ihei te funei fruni ni Israel, nei nou nolaghi iagho na tei posa ka namono te gnafa ka nauthoglu igne.

Profet Esikiel 38:23

Ka puhi igne, iara ginauna fakakhana ka kantri te gnafa igre te blahi nei au nolaghi teu iara na, eghuteuna mare ginauna laseni te iara Lord.”

Nodi Khoje Hatimare Mae Jiu 97:9

Lord God, iagho King frunidi naikno te gnafa ka nauthoglu igne, eghuteuna iagho thofno fnakno fara ke uludi keha god re.

Profet Jeremaea 16:21

Aonu Lord ne cheke eghu, “Kaisei narane, iara ginauna farirhiu fakelidi naiknore, eghuteuna ka narane igne, naiknore ginauna laseni nogu nolaghi iara na, eghuteuna mare ginauna laseni nanghagu iara na Lord.”

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Profet Esikiel 30:19

Ka puhi igne iara ginauna parani Ijep, mala thofno laseni mare te iara Lord.’ ”

Profet Isaia 42:8

“Iara Lord, tuana Nanghagu iara na! Eghuteuna iara na theome snakreni kaisei god mala fnakno nanghagna na jateula iara eghu. Uve, iara ginauna na theome snakredi naiknore mala kilo fnaknoni kaisei god te chaichaghi teke horo kolho naikno.

Profet Maeka 4:13

Lord ne cheke eghu, “Ghotilo naiknomi Jerusalem! Ghotilo tei goigoni di mae naoka! Iara ginauna farheta ghami jateula buluka nalhaꞌugna honagna na jateula aean, eghuteuna ghahegna pari na jateula bras. Eghuteuna ghotilo ginauna tapla ke klignadi ka naikno ka kantri te kmana te jateula buluka te tapla ka wit te khoko guligna na ra eghu. Eghuteuna gobigna lepo te uludi ghotilo ka magra, ghotilo ginauna tusu mei ka iara Lord, nodi Funei naikno te gnafa ka nauthoglu igne.”

Ululahu Kings 18:37

Lord, fanomho mei ka nogu tharai iara gne, eghuteuna iagho eni jateula unha te toreni iara igne eghu. Eghuteuna naikno te kegra teu agne gognaro igre, ginauna laseni te kaisei iagho ngala God te tutuani na. Eghuteuna iagho ginauna tuthughu nagnafadi naikno igre mala ke pulo mei ka iagho.”

Profet Isaia 54:5

Naugna iara jateula mae tholaghi eghu ka ghotilo, naugna iara neke vuavuha ghami ghotilo. Nanghagu iara na Lord, mae ihei te au nolaghi fateote'o. Eghuteuna iara nodi God te blahi mae Israel mae ihei te atha fasnagla ghami nei funei frunidi naikno te gnafa ka nauthoglu igne.

Nodi Khoje Hatimare Mae Jiu 92:8

Naugna, Lord iaghou ngala te mala King fabrahu te tifa te tifa na.

Nodi Khoje Hatimare Mae Jiu 9:2

Iagho fagleꞌani fara nagnafagu iara na, iara ginauna koje kilo fnakno nigho. God, iagho te au nolaghi biꞌo ke klignadi gobigna lepo fateote'o.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Profet Sekaraea 4:14

Aonu mana ne cheke eghu, “Lord funei frunidi gobigna lepo ka nauthoglu igne, eghuteuna phei glepo igre, eidi phia mae nate vavahi mana te mala edi nogna gloku re.”

Profet Daniel 4:25

Naiknore ginauna brue fajifla nigho iagho. Eghuteuna iagho ginauna tei au baludi buluka, sipu, nanigot nei hose teu mata are nabagna fitu finogha mala ghamu buburu jateula buluka eghu. Eghuteuna iagho ginauna na thuru kosi fari hotei glalaba, eghuteuna nakhete bongiro ginauna soru mei ke klignamu. Iagho ginauna eghu fabrahu ghilei filo glani iagho God mae ihei te fnakno kligna lahu igne. Eghuteuna Mana funei frunidi naikno te gnafa heva heva ka nauthoglu igne. Eghume, God igne ngala mae ihei te tangomana te tusu lao nolaghi ka mae ihei te mala mae king na.

Profet Isaia 5:16

Nu mare ginauna na fafnaknoni Nanghagna Lord mae ihei te au nolaghi fateote'o igne. Naiknore ginauna filoni puhigna noda God te blahi fara igne thofno doglo fara. Naugna Mana fatedi naiknore ka puhi te doglo.

Nodi Khoje Hatimare Mae Jiu 18:13

Lord na au neu kligna ne cheke fabiꞌo jateula fila neu ka maloa na. God au neu kligna ka maloa na ne cheke, eghuteuna khaꞌaghi nei nakhete thina teure ne khoko ne soru pari.

Nodi Khoje Hatimare Mae Jiu 35:4

Mae igre magnahaghei te mei te falehe ghau iara. Mei sagho mala tapla sorudi pari naikno igre mala mamaja nodi kolho mare. Mae igre roghe nodi te mala goigoni ghau iara na. Fasnividi sagho pha'udire mala ke figri ke pulo mare.