Nodi Khoje Hatimare Mae Jiu 83:14 - Buka Blahi Ka Cheke Holo

¹⁴ Roꞌedi fara ngala sagho mala jateula khaꞌaghi biꞌo te gnubra fahui namhata ra eghu. Uve, jateula khaꞌaghi biꞌo te gnubra gaju te gnafa ka thogelera eghu.

Nodi Khoje Hatimare Mae Jiu 83:14 ပူးပေါင်းရင်းမြစ်များ

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Profet Isaia 9:18

Puhi te diꞌa te eni mare igne jateula khaꞌaghi te nhako buburu fachuchurure te ghilei tei khasa ka gaju biꞌo matara eghu. Eghuteuna khujogna khaꞌaghi igne haghe ka maloa na jateula gromno biꞌo te mala nakhete ra eghu.

Profet Nahum 1:10

Mae te eni puhi te diꞌa ranghini Lord gne, jateula mae te koꞌu te salaꞌui te theome tangomana te kegra haghe ra eghu, ba jateula mae te khale ka gnarho te fachuchuru ra eghu. Lord ginauna goigonini mae igne, jateula namhata te nhako ka khaꞌaghira eghu.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Thoutonu Eigna Mae Job 21:18

God na theome koko teidi mare delei kolho, jateula buburu moja pala te tei delei te dofidi ka nuri ra eghu.

Profet Isaia 17:13

Nu neuba mare ne chari ne mei jateula galo biꞌo te longa te poha mata ra neu ka tahati, kate cheke Lord ka mare na, mare ginauna kafe figri na rikha. Eghuteuna mana na ngolhi fajifladi mare, eghuteuna mare na flalo jateula khakla gaju moja te flalo te tei ka nuri ra eghu kolho.