Nodi Khoje Hatimare Mae Jiu 82:5 - Buka Blahi Ka Cheke Holo

⁵ “Ghotilo thono fameomekro fara! Ghotilo theome laseni kaisei glepo! Puhimi ghotilore thofno diꞌa parilahu. Gognarona gobigna lepo te edi ghotilo kau nauthoglu igne theome doglo kolho.

Nodi Khoje Hatimare Mae Jiu 82:5 ပူးပေါင်းရင်းမြစ်များ

Nodi Khoje Hatimare Mae Jiu 11:3

Uve, kate te theome eni naiknore kaisei puhi te keli na, unha gne nate eni mae te doglo na? Ihei gne nate toghoni mana ginauna?”

Profet Maeka 3:1

“Fanomho mei, ghotilo lidami Israel! Nomi gloku ghotilo na mala funei frunidi nogu naikno gre ka puhi te doglo.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Proveb 2:13

Nafnata naikno igre la snivihi, eghuteuna gognarona auhi kate romno.

Ululahu Jone 2:11

Nu ihei te tirognani kheragna fofodu na, mana au kate romno, nei theome laseni aheva te tei na naugna gromno na fadofuni mana.

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Proveb 1:29

Ghotilo tiromi hata glalase te keli, nei tiromi ghatho tahuni Lord.

Nodi Khoje Hatimare Mae Jiu 14:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Jone 3:19

God fatedi naiknore ka puhi igne: mae Thugna God na neke meihi jateula ngau u naphae neku kau nauthoglu igne, nu naiknore theome magnahagheni mana. Naugna hatimare jateula te au kate romno ra neu ne edi glepo te thono diꞌa fara re.

Profet Isaia 59:9

Aonu naiknore ne cheke eghu ka Lord, “Lord, ghehati laseni unha te fanogra nigho iagho te theome fakarhi ghami ka nodi nolaghi mae iheire te para ghami igre. Ghehati magnahaghei fara te au kate phae, nu gromno kolho te toku tafru ghami na.

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Nodi Khoje Hatimare Mae Jiu 53:4

God ne cheke eghu, “Tore, naikno igre te edi puhi te diꞌa igre, ba, theome lalase sigrea? “Ba, theo pha'udi sigrea? Mare karhau kolho ka unha teke blau mare ka nogu naikno iara re, nei jaola tirodi tarai ka iara.”

Eklesiasti 3:16

Iara filoni kaisei glepo te thono diꞌa fara ka nauthoglu igne. Kate fateni naikno na, keha mae mala fate igre keha fata mare theome leghuni puhi te doglo na. Mare leghuni kolho puhi te diꞌa na.

Eklesiasti 2:14

Mae ihei te au tagna gaoghatho te keli na, mana filo glani ne leghuni naphae na. Nu mae ihei te fameomekro na, mana leghuni kolho nabrou te romno na. Nu neuba, te laseni iara na, glehe na ginauna kafe thokedi phei mae igre.

Proveb 4:19

Nu puhigna naikno te diꞌa na jateula grughu eghu, mana theome laseni kolho unha te faꞌukani mana na.

Nodi Khoje Hatimare Mae Jiu 75:3

Neuba ne nghali gobigna lepo te karha teugre, ba jaola ne nghali nauthoglu gne, iara ginauna eni famamhakugna nauthoglu gne mala rheta fabrahu.

Thoutonu Eigna Mae Job 8:9

Nakarhada tahati na sokmo kolho, eghuteuna tahati theome laseni kaisei glepo. Uve, nakarhada tahati na ghosei tei salaꞌu kolho jateula naungo gaju eghu.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.