Nodi Khoje Hatimare Mae Jiu 81:7 - Buka Blahi Ka Cheke Holo

⁷ Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Nodi Khoje Hatimare Mae Jiu 81:7 ပူးပေါင်းရင်းမြစ်များ

Eksodas 19:19

Eghuteuna naoglagna khufli igne ne taitanhi fabiꞌo fara. Eghuteuna leuleghu fata na mae Moses cheke, eghuteuna God ne cheke tughu ka mana jateula fila biꞌo te poha ra neu.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Naba 20:13

Khoꞌu tuana mare kiloni, “Meriba” gaoghathogna na, “Khuru cheke” naugna ka vido tuana, mare neke khuru cheke balugna Lord, eghuteuna Lord ne fakakhanani te mae blahi thegna na ka mare.

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Eksodas 14:24

Gagra pasa hamerane boibongi Lord na au neu ke lamna khoveo nei ke lamna khaꞌaghi neu ne filo soru ka mae soldia di Ijep gre, aonu maedi Ijep faꞌihodi ne rodi rikha.

Diutronomi 33:8

Vikegna mae Livae, ghotilo mae pris te hata phei nogna thina Lord te kilodi Tumim ghe Urim. Lord laseni te ghotilo kolho te doglo kani teke fariuriu ghami mana namono Masa nei ka khoꞌu Meriba.

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Diutronomi 5:6

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Profet Jeremaea 16:14

Lord ne cheke eghu, “Nu iara ginauna cheke kate tutuani ka ghotilo, narane na ginauna mei, eghuteuna theo kaisei naikno nate cheke eghu na, ‘Iara neke eni nhaꞌa cheke igne ka nanghagna Lord te karha, mae ihei teke atha fajifladi maedi Israel ka kantri Ijep.’