Nodi Khoje Hatimare Mae Jiu 80:15 - Buka Blahi Ka Cheke Holo

¹⁵ Ghehati gne nou naikno iagho, eigna iagho atha ghami ghehati neke mei agne ka namono igne, la kaisei kantri nheta fara gognaro na. Mei sagho mala fakarhi ghami ka naoka gre.

Nodi Khoje Hatimare Mae Jiu 80:15 ပူးပေါင်းရင်းမြစ်များ

Nodi Khoje Hatimare Mae Jiu 80:8

Iagho neke atha fajifla ghami Ijep, eghuteuna iagho neke ngolhi fajifladi naiknodi keha kantri are. Aonu gognaro na iagho snakre ghami ghehati mala khotogna nodi namono mare Kenan.

Jone 15:1

Mae Jisas ne cheke eghu ka nogna mae fanomhore, “Iara jateula kaisei gaju te ure sisi te kelira eghu. Mae Kmagu iara na mana jateula mae greireghi gaju te ure sisi te kelira eghu.

Nonomho Te Keli Teke Risoi Mae Mak 12:1

Ka narane tuana mae Jisas ne funu cheke ranghidi ka keha cheke naba. Mana ne cheke eghu, “Kaisei fata, kaisei mae khoto glose ne joꞌu kaisei nagare. Mana bara faligohoni nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Profet Sekaraea 6:12

Eghuteuna iagho cheke ka mana eigna Lord mae ihei te au nolaghi fateote'o igne neke cheke eghu, ‘Fanomho mei! Mae ihei te kiloni nanghagna na Grege igne ginauna biꞌo haghe nei nheta eghu. Mae igne ginauna nake babana fapuloi nogu Sugablahi iara na,

Profet Sekaraea 3:8

“ ‘Pris biꞌo Josua, famane fanomho mei ka iara. Eghuteuna ghotilo keha pris te loku ke parigna nogna nolaghi mana ra, ghotilo jaola mala famane fanomho mei ka iara. Ghotilo te gnafa na mala jateula fagaglanadi eghu famane glepo nate thoke mei thogheiro. Nogu mae gloku iara nanghagna Grege igne, iara ginauna falalase ka ghotilo.

Profet Jeremaea 2:21

Nu kaisei iara ngala teke lisei ghami ghotilo ka nogu glose na jateula mae ihei te joꞌu kaisei famane gaju grep te keli fara fuꞌagna na ia neku. Eghume, naugna unha si ghotilo te jateula grep nathuꞌa te raha fuꞌagna na ia teu gnea?

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Profet Isaia 49:5

“Tifa, kani theome karha teku iara na, Lord neke vahi ghauhi iara mala nogna mae gloku mana, mala ke atha fafigri iara naiknodi Israel teke au tafri ka keha vidoi. Naugna igne, mana fafnaknoni nanghagu iara na, eghuteuna tusu mei nolaghi ka iara,

Nodi Khoje Hatimare Mae Jiu 89:21

Iara ngala te fahetani mana na, eghuteuna nogu nolaghi iara na ginau au fabrahu balugna mana.

Diutronomi 26:15

Iagho au kligna ka nou vido blahi na. Filo soru sagho ka ghehati naiknomi Israel, mala fablahi ghami, nei fablahini famane glose te keli tela tusu meihi iagho ka ghehati jateula teke nhaꞌa chekeni iagho ka kuꞌemi ghehati tifa ra.’ ”

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Lamentations 3:50

ghilei thoke mei narane Lord mae ihei te au kligna na te filo soru ka puhi biꞌo igne.