Nodi Khoje Hatimare Mae Jiu 80:13 - Buka Blahi Ka Cheke Holo

¹³ Mare mei tapla fapari ghami ghehati jateula bosu mata te tei ka kaisei nagare na te tapla goigonidi gano ra neu. Uve, mare mei goigoni ghami ghehati jateula glepo te mhaumhaghu te tei ka nagare na te goigoni fara ra neu.

Nodi Khoje Hatimare Mae Jiu 80:13 ပူးပေါင်းရင်းမြစ်များ

Profet Jeremaea 5:6

Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Profet Jeremaea 4:7

Mare ginauna na jateula lion te jifla mei ka nogna vido mala poru ra eghu. Mare na mei goigonidi fara nomi namono ghotilo igre. Eghuteuna theo kaisei naikno nate au teu ka namono igre na.

Profet Jeremaea 52:7

Ka fafati nhigra ka finogha tuana, nei ka fanheva narane igne, mae soldia di Babilonia igre paꞌe soru gringni gna namono na ne ruma lamna. Neuba mae soldia igre ne kegra faligohoni namono na, king Sedekaea ne jifla Jerusalem bongiro balugna nogna tothoghei soldia na. Mare ne tei salaꞌu ka nogna nagare mae king na ne jifla farihoteidi ka grengatha farihoteidi phei gringni thinare. Mare rikha ne tei posa ka glogu biꞌo ka Khoꞌu biꞌo Jordan.

Profet Jeremaea 51:34

Naiknodi Jerusalem igre ne cheke eghu ka Lord, “King Nebukadnesa gna Babilonia igne, mana goigoni ghami ghehati fara. Ghehati gne jateula kaisei botol khoꞌu te koꞌu fateo king te peso ra eghu. King igne jateula kaisei mogo biꞌo te au ka nhorora na te tomno fahui gano te magnahaghedi thegna ra eghu, eghuteuna ke luꞌa koko gobigna lepo te theome magnahaghedi ra eghu. Ke tughu fapulo sagho puhi biꞌo teke edi mae Babilonia te thoke ghami ghehati gre. Maedi Babilonia igre nabadi na au papara eidi dadarami ghehati ra, naugna mare neke falehe ghami ghehati.”

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Nodi Khoje Hatimare Mae Jiu 89:42

Iagho neke snakredi hatimare nogna mae naoka mana re mala tapla faparini mana kau magra na, aonu gognaro na mare kelitadi fara te filoni mana te theome nheta.

Profet Isaia 5:5

Iara ginauna chekeni ka ghotilo unha nate eni iara ka nagare igne. Iara ginauna paꞌe soru bara igne mala mei naikno nei buluka eghu mala tapla ke kligna gna.

Profet Esikiel 19:12

Nu God ne diꞌatagna fara, eghuteuna mana rarathu ne koko soru ka glose na. Nuri brana gna ke maghati na ne ghaghafa mei eghuteuna fuꞌagna re khapra ne khoko pari. Gregegna re jaola ne gnagha, ne gnhubra ka khaꞌaghi.

Profet Nahum 2:3

Ghotilo naiknomi Ninive ra fiofilo ghami! Nomi naoka ghotilo igre mare pipichi pohe ukru nei pala greoreo ukru eghu. Mare tarabanahi te mala mei falehe ghami ghotilo na. Nodi chariot mala magra re snire jateula khaꞌaghi eghu. Eghuteuna mae soldiare na tusu haghe nodi goru re, fagaglanagna tela tarabanahi te mala magra na.