Nodi Khoje Hatimare Mae Jiu 80:1 - Buka Blahi Ka Cheke Holo

¹ God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 80:1 ပူးပေါင်းရင်းမြစ်များ

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Nodi Khoje Hatimare Mae Jiu 77:20

Kani teke batudi iagho mae Moses ghe mae Eron ra, iagho jaola neke batudi nei reireghidi eghu naiknore jateula kaisei mae te batudi nei reireghidi teu nogna sipura neku.

Nodi Khoje Hatimare Mae Jiu 50:2

God na au Saion, namono keli tutuani, famane namono fara, naphaegna God na au ka namono te keli nei famane namono tutuani fara. Naphaegna God na jifla mei funu Saion ka vido te snagla ne tei heva heva ka nauthoglu igne.

Nodi Khoje Hatimare Mae Jiu 99:1

Lord na King! Kate funei fruni mana naiknore thono mhaghuni fara mana. Mana gnokro ka nogna sape nafnakno na fari hoteidi phei engel, eghuteuna u nauthoglu na nghali kate kilo fnaknoni mana.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Fapea Samuel 6:2

Aonu mana batudi tolufulu thogha mae igre ne tei ka namono Bala ke lamnagna kantri Juda mala ke hata fapulo nogna Bokis Nhaꞌa Cheke God na. Bokis Nhaꞌa Cheke igne mare kiloni nogna “Bokis Nhaꞌa Cheke Lord mae ihei te au nolaghi fateote'o.” Mana gnokro jateula king teu jare farihoteidi phei engel te gnokro ke kligna Bokis Blahi igne.

Ululahu Samuel 4:4

Aonu mare ne kurudi keha mae mala tei Saelo, mala pala mei Bokis Blahi na. Phei thugna mae Eli, Hofni ghe mae Finihas, phiamare ne mei balugna Bokis Blahi aheva siasiglagna Lord mae ihei te au nolaghi fateote'o na gnokro jateula king eghu farihoteidi phei engel igre.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Profet Esikiel 10:4

Eghuteuna siasiglagna nogna nolaghi biꞌo Lord na ne tugha haghe funu ka engel igre, eghuteuna ke tugha tei ke kligna grengathagna Sugablahi na. Eghuteuna khoveo igne ne thafru Sugablahi na, eghuteuna nogna nolaghi biꞌo Lord na ne siasigla fabiꞌo fara ke lamnagna glalaba tuana.

Profet Isaia 63:11

Ka narane igne, mare ghathoni tifa ka naranegna mae Moses baludi nogna naiknore Ijep. Aonu mare ne ghusna eghu ka mana, “Ahevau Lord na? Tifa na mana neke atha mae mala baubatu ka naiknore neke kasa ka thongna na. Ahevau Lord na? Tifa na mana neke snakreni nogna Tharunga te Blahi na mala au baludi mare.

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Nodi Khoje Hatimare Mae Jiu 80:7

God, ke hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Nodi Khoje Hatimare Mae Jiu 80:3

God, hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Profet Daniel 9:17

“God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Profet Esikiel 1:13

Glepo te karha igre phae jateula sisibe khaꞌaghi te deudeplu fabiꞌo ra eghu. Kaisei glepo na jateula khaꞌaghi eghu deudeplu fabiꞌo tugha tafri fari hoteidi glepo te karha igre. Khaꞌaghi igne sridi haghe jateula nakafli eghu.

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Nodi Khoje Hatimare Mae Jiu 94:1

Lord God, iagho God mae ihei te mala paradi naikno te diꞌare. Fakakhana sagho nou nolaghi na ka mare!

Nodi Khoje Hatimare Mae Jiu 80:19

Lord God, iagho ngala te au nolaghi na, atha fapulo ghami ka iagho. Uve, kokhoni ghami nei fakarhi ghami eghu ka khamedi mae naoka gre.

Nodi Khoje Hatimare Mae Jiu 78:67

Mana neke theome vahini vikegna mae Efrem. Uve, mana thono tirognani fara vike igne.

Nodi Khoje Hatimare Mae Jiu 78:52

Ke leghugna igne, mana neke batu fajifladi nogna naiknore Ijep, nei reireghidi ke lamnagna namono nagou na.

Nodi Khoje Hatimare Mae Jiu 69:1

God, ghose mei togho ghau iara! Iara gne la thoke ghau puhi biꞌo! Jateula khoꞌu te haghe posa ka graragu iara na ia eghu.

Nodi Khoje Hatimare Mae Jiu 60:1

God, iagho ne tirou au balumi ghehati ne nigra ghehati ka magra. Tifa na iagho neke diꞌatamu ka ghehati, nu ke figri mei sagho gognaro mala ke togho ghami ghehati.

Nodi Khoje Hatimare Mae Jiu 55:1

God, fanomho mei ka nogu tharai gre. Thosei figri mei thagrumu na kate tanhi iara na.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Nodi Khoje Hatimare Mae Jiu 5:1

Lord, iagho laseni te au diꞌanagnafa iara gognaro gne. Nomhi meidi nogu tharai gre.

Thoutonu Eigna Mae Job 10:3

Unha glepo te keli nate hata iagho kate papara iara na? Iagho neke vuavuha ghau iara, nu gognarona iagho tirou ghau iara. Iagho jateula te kelitamu eghu ka nodi gloku naikno te diꞌare.

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Diutronomi 33:2

“Lord mei funugna Sanai neke mei ka ghotilo. Mana mei ka ghotilo jateula naprai te haghe ka keha phile nohi Idom ra eghu. Eghuteuna siasiglagna na phae funu ka thogele Paran mei posa ka ghotilo. Nabotho thogha engel te mei balugna mana na, eghuteuna mana louloku kaisei khaꞌaghi biꞌo fei khame nhetagna.

Nodi Khoje Hatimare Mae Jiu 50:1

Noda Lord God te thofno nolaghi fara. Mana te kilo meidi naikno te gnafa ka nauthoglu igne funu maghati posa ke mosu.