Nodi Khoje Hatimare Mae Jiu 79:9 - Buka Blahi Ka Cheke Holo

⁹ God, togho ghami nei fakarhi ghami eghu ghehati sagho. Hata kokodi sagho nakhibomi ghehati gre, mala ghatho tahu nigho naikno te gnafa igre eghu.

Nodi Khoje Hatimare Mae Jiu 79:9 ပူးပေါင်းရင်းမြစ်များ

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Nodi Khoje Hatimare Mae Jiu 25:11

God, leghuni sagho nou nhaꞌa cheke na hata fadeleidi nakhibogu gre, naugna nakhibogu iara gre kmana fara.

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Profet Esikiel 20:14

Nu iara na theome eghu, naugna jame naiknodi ka keha kantri te au falithuidi mare igre ginauna faparini nanghagu iara na. Mae igre neke filo glani ghau iara teke hata meidi iara funu Ijep. Jame te theome leghuni iara nhaꞌa cheke igne na, mare ginauna faparini nanghagu iara na.

Profet Jeremaea 14:21

Thosei faparini nafnaknomu na ka tathadi naiknore. Thosei fadidiꞌa puhi te keli te funei fruni iagho igne. Thosei ghatho ihoni nhaꞌa cheke teke eni iagho ka ghehati ia, iagho thosei lopini nhaꞌa cheke igne.

Profet Isaia 48:9

Iara neke loku fapulo diꞌatagu na ka ghotilo, eghuteuna iara ginauna na theome goigoni ghami ghotilo, naugna iara magnahaghei ghami ghotilo te cheke fakelini kolho nanghagu iara na.

Profet Daniel 9:19

Lord, fanomho sagho ka nomi tharai ghehati gre. Lord, hata fadelei sagho nakhibomi ghehati gre. Lord, fanomho mei ka ghehati sagho mala togho ghami. Faghose sagho, thosei ofo mala laseni naiknore te iagho God na. Kate au fakeli nou namono iagho Jerusalem igne nei ghehati nou naikno iagho gre au fakeli langau teuna, ghehati te gnafa na ginauna ghatho tahuni nanghamu iagho na.”

Profet Esikiel 20:9

Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Nodi Khoje Hatimare Mae Jiu 65:3

Ghehati ghathodi nakhibomire ne eni igne. U najafra te edi ghehati igre thofno fapari ghami ghehati fara, nu te laseni ghehati na iagho tangomana te hata fadeleidi nakhibomi ghehatire.

Nodi Khoje Hatimare Mae Jiu 31:3

Tutuani fara, iagho jateula nogu vido keli eghu mala poru iara. Iagho au ke ulugu iara mala baubatu ghau iara ka nabrou te keli, jateula teke nhaꞌa chekenihi iagho ia eghu.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Profet Malakai 2:2

Jame ghotilo theome leghu ghau iara ba theome ghatho tahuni nanghagu iara na, iara ginauna ei puhi biꞌo mala thoke ghami ghotilo nei thokeni nakarhami keli ghotilo mae pris ra. Uve, iara enihi ka ghotilo, naugna ghotilo ne theome ghatho tahuni nanghagu iara na.

Nodi Khoje Hatimare Mae Jiu 115:1

Lord God, kaisei iagho ngala te mala ghatho tahu nigho ghehati na, naugna kaisei iagho ngala te namha ghami ghehati na, nei iagho taji fakelidi u nhaꞌa cheke teke edi iagho ka ghehati ra.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Profet Daniel 9:9

Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Profet Esikiel 20:44

Ghotilo naiknomi Israel ra! Iara ginauna theome tughu fapulo ka ghotilo puhimi ghotilo te diꞌa nei glepo te diꞌa eghu teke edi ghotilo ra, nu iara ginauna kokhoni ghami ghotilo, nei naiknodi Israel ginauna fafnaknoni nanghagu iara na. Eghuteuna ghotilo ginauna lase ghau iara Lord. Igne nogu cheke iara Lord God.’ ”