Nodi Khoje Hatimare Mae Jiu 79:8 - Buka Blahi Ka Cheke Holo

⁸ God, thosei para ghami ghehati eidi nakhibo teke edi ghehati tifara. Faghosei kokhoni ghami ghehati sagho, naugna gaoghathomire ghehati la thofno glaꞌe soru fara.

Nodi Khoje Hatimare Mae Jiu 79:8 ပူးပေါင်းရင်းမြစ်များ

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Nodi Khoje Hatimare Mae Jiu 142:6

Fanomho mei sagho ka nogu tharai thotogho iara gre, naugna gaoghathogure la thofno glaꞌe soruhi. Mei fakarhi ghau iara sagho naugna hatimare mae naoka gre theome tangomana iara te tapla sorudire.

Nodi Khoje Hatimare Mae Jiu 116:6

Mana reireghidi koba iheire te glaꞌe. Uve, mana neke fakarhi ghau iara kani teke au iara ka hoholo na.

Nodi Khoje Hatimare Mae Jiu 21:3

Iagho mei balu nou nolaghi te biꞌo mala fablahini mana nei mala lilisei soru ka pha'ugna na u khepi nafnakno teke hohoro kau gol.

Thakle 18:5

Naugna nakhibognare pagu fara ghilei posa kligna. Eghume, God na theome tangomana te ghatho ihodi unha najafra teke edi naꞌa re eghu.

Profet Hosia 9:9

Ghotilo edi kmana nafnata puhi te diꞌa igre. Eghuteuna puhimi ghotilore jateula puhidi mae kuꞌemi tifa ka namono Gibea ra eghu. Nu Lord na theome ghatho ihodi puhimi ghotilo te diꞌare. Naugna igne, mana ginauna para ghami ghotilo.

Profet Hosia 8:13

Mare edi kmana fafara, nei ima nafnahi teke fafara igre. Nu iara Lord, theome gleale'adi fafara te edi mare igre. Eghuteuna gognarona iara ghathodi nakhibodi mare igre, eigna nakhibo te edi mare igre ginauna paradi mare. Eghuteuna iara ginauna nake hata fafigridi Ijep ka sosolo.

Profet Daniel 9:16

Lord, tifa na iagho neke keli fara ka nou naiknore. Iagho thosei diꞌatamu ka namono Jerusalem. Naugna Saion gne nou Thogele Blahi iagho. Naiknodi keha kantri te namo ka ghehati igre cheke fadiꞌani nei cheke faparini eghu Jerusalem. Eghuteuna jaola eidi nakhibomi ghehati baludi glepo te diꞌa teke edi kuꞌemi ghehati tifa ra.

Profet Esikiel 2:3

Aonu Lord ne cheke eghu, “Maegna ka nauthoglu. Iara ginauna kuru tei nigho iagho ka naiknodi Israel. Mare theome magnahaghei ghau iara ghilei mei posa ka narane gognarogne.

Nodi Khoje Hatimare Mae Jiu 106:43

Kmana fata, God neke fakarhidi, nu leuleghu fata na mare vahini kolho puhi te mala figri tagruni mana na, naugna mare au ka nakarha te fodu ka nakhibo.

Nodi Khoje Hatimare Mae Jiu 25:7

Lord, ghatho ihodi nakhibo nei najafra eghu teke edi iara kani mae majaghanigu ra. Naugna iagho namha ghau nei keli ranghi ghau eghu iara koba.

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Diutronomi 28:43

“Naikno phosa te au balumi ghotilo are ginauna nheta e nheta, nu ghotilo ginauna na nigra e nigra.

Eksodas 32:34

Gognarona iagho ke figri, batudi naikno ra tei ka vido aheva teke chekeni iara ka iagho tifa ia. Filo sagho! Nogu engel iara na ginauna tei ke ulumu iagho. Nu neuba narane na la thoke meihi te mala paradi iara iheire teke eni nakhibo igne.”

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”