Nodi Khoje Hatimare Mae Jiu 79:5 - Buka Blahi Ka Cheke Holo

⁵ Lord God, ba? Iagho na diꞌatamu fabrahu ka ghehati? Ba? Na brana fabrahu diꞌatamu na ka ghehati jateula khaꞌaghi eghu?

Nodi Khoje Hatimare Mae Jiu 79:5 ပူးပေါင်းရင်းမြစ်များ

Nodi Khoje Hatimare Mae Jiu 89:46

Lord God, iagho ginauna na poru nou fabrahu ngala sia? Ba? Na niha fata thunu fabrahu jateula khaꞌaghi eghu si diꞌatamu iagho na ka iara?

Nodi Khoje Hatimare Mae Jiu 85:5

Ba? Iagho na diꞌatamu fabrahu ka ghehati sia? Ba? Diꞌatamu iagho ka ghehati gne na theome gnafa signea?

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Profet Sefanaea 3:8

Aonu Lord ne cheke eghu, “Ghotilo ofoni kolho Narane nate fatedi iara naiknodi soasopaigna kantri igre. Naugna, iara diꞌatagu fara ka naikno igre. Eghuteuna gaoghatho te mala salo meidi naikno igre te mala paradi re la auhi ka nagnafagu iara na. Eghume, diꞌatagu iara igne ginauna brana fara salaꞌui jateula khaꞌaghi eghu, eghuteuna iara ginauna roꞌe fahuidi nodi namono te gnafa mare are.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Profet Esikiel 36:5

Uve, Lord God neke cheke eghu: Diꞌatagu iara ka kantri Idom baludi keha kantri te au faligoho ghami ghotilo igre brana jateula khaꞌaghi eghu. Uve, iara thono diꞌatagu fara, naugna kate mei mae naoka gre te goigonidi nogu naikno iara re, kantri igre glealeꞌa fara te hata nogu namono iara na.

Nodi Khoje Hatimare Mae Jiu 80:4

Lord God, ka iagho ngala te au nolaghi fateote'o na. Niha fata diꞌatamu nei tirou cheke tughudi eghu sagho nomi tharai ghehati grea?

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Profet Isaia 64:9

Lord, thosei diꞌatamu fara ka ghehati. Ghehati nou naikno iagho! Iagho kokhoni ghami nei atha kokodi eghu nakhibomi gre.

Nodi Khoje Hatimare Mae Jiu 103:9

Mana theome fiti diꞌatagna ka tahati, nu mana diꞌatagna kate au nafugna, eghuteuna mana theome tangomana te diꞌatagna fabrahu ka tahati na.

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Diutronomi 32:16

Kate pogho soru ghotilo ka keha god delei na, mana goghotu. Mana diꞌatagna fara ka nomi mumuju god ghotilo are.

Nodi Khoje Hatimare Mae Jiu 6:4

Lord, mei hata fapulo ghau. Eigna iagho kaisei mae mala lolokeli fara, fakarhi ghau kau glehe.

Nodi Khoje Hatimare Mae Jiu 80:5

Diꞌanagnafa kolho te tusu mei iagho ka ghehati te mala jateula gano teu te mala ghamu ghehati na. Eghuteuna kholo ka tathami gre kolho te mala jateula khoꞌu teu te tusu mei iagho ka ghehati te mala koꞌu na.

Nodi Khoje Hatimare Mae Jiu 89:47

Ghatho mei ghau iara sagho. Iara gne khogla naikno kolho, eghuteuna nakarhagu iara na theome brahu kolho. Iagho neke vuavuha ghami ghehati mala karha neku, eghuteuna ke leghu na ghehati ginauna mala kafe lehe kolho.

Lamentations 5:22

Nu iagho theome magnahaghei ghami ghehati fara! Diꞌatamu iagho ka ghehati igne ginauna theome gnafa.

Profet Sekaraea 1:12

Engel nogna Lord igne ne cheke eghu, “Lord, iagho au nolaghi fateote'o. Nabagna fitusalei finogha te diꞌatamu iagho ka naiknodi Jerusalem nei ka keha namono lithui ni Juda. Niha fata diꞌatamu eghu fabrahu ka mare sagho ia? Niha nau nate falalase iagho te kokhonidi mare na?”