Nodi Khoje Hatimare Mae Jiu 79:4 - Buka Blahi Ka Cheke Holo

⁴ Naikno bongihehe te au faligoho ghami ghehati igre cheke fadiꞌa ghami ghehati, nei maꞌe ghami nei tukma ghami eghu ngala ghehati.

Nodi Khoje Hatimare Mae Jiu 79:4 ပူးပေါင်းရင်းမြစ်များ

Nodi Khoje Hatimare Mae Jiu 80:6

Iagho neke snakredi naiknodi keha kantri te au faligoho ghami ghehati gre mala magra mare ka ghehati mala atha nomi kantri ghehati gne. Hatimare mae naoka gre cheke fadiꞌa ghami fara ghehati.

Profet Daniel 9:16

Lord, tifa na iagho neke keli fara ka nou naiknore. Iagho thosei diꞌatamu ka namono Jerusalem. Naugna Saion gne nou Thogele Blahi iagho. Naiknodi keha kantri te namo ka ghehati igre cheke fadiꞌani nei cheke faparini eghu Jerusalem. Eghuteuna jaola eidi nakhibomi ghehati baludi glepo te diꞌa teke edi kuꞌemi ghehati tifa ra.

Profet Esikiel 36:15

Iara ginauna theome snakredi keha kantri are mala cheke diꞌa ka ghotilo, ba maꞌe ghami ghotilo. Ghotilo thosei mamaja. Eghuteuna iara ginauna theome snakreni te aknu falehe ghotilo thudi nomi naikno ghotilo igre. Igne nogu cheke iara Lord God.’ ”

Profet Esikiel 36:3

Eghume iagho cheke ka mare iara Lord God te cheke eghu igne: ‘Kate ruma mei naiknodi keha kantri te au faligoho ghami ghotilo igre te hata nomi kantri ghotilo igne, mare maꞌe ghami nei cheke fapari ghami eghu ghotilo fara.

Profet Esikiel 35:12

Iara nomhi ghami ghotilo te cheke fadiꞌadi nei maꞌedi teu thogeledi Israel. Eghuteuna ghotilo cheke eghu, “Thogele are la diꞌahi! Tahati ari mala hata noda re!” Nu kate para ghami iara na, ghotilo ginauna lase fakeli ghau iara Lord iara nomhidi kolho nomi cheke te diꞌa ghotilo ra.

Lamentations 5:1

Lord, ghathoni sagho puhi biꞌo te thoke ghami ghehati igne. Eghuteuna iagho jaola filoni eigna ghehati la mamaja nomi fara.

Profet Jeremaea 42:18

Igne unha te chekeni Lord mae ihei te au nolaghi fateote'o na, nei nodi God maedi Israel, ‘Jame te tei ghotilo Ijep na, iara ginauna diꞌatagu fara ka ghotilo, jateula teke diꞌatagu iara ka naiknodi Jerusalem tifa ra eghu. Ghotilo ginauna theome tangomana na teke pulo mei ka namono igne. Kate ghatho ghami ghotilo na, naiknore ginauna rhana nodi fara na cheke fadiꞌa ghami ghotilo. Naiknore ginauna tibri ghami ghotilo mala thoke ghami ghotilo puhi biꞌo.’ ”

Profet Jeremaea 25:18

Iara ginauna tufa waen igne ka naiknodi Jerusalem ghe Juda, baludi mae king nei mae funei biꞌo, fagaglanagna nate groꞌe mare na. Eghuteuna kate filoni naiknore kantri Juda te krogha te vuhai namono nagou igne, naiknore ginauna mhaghu nodi fara, na cheke fadiꞌadi mae naoka igre eigna unha te eni mare te ghilei mei posa ka narane gognarogne.

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Nodi Khoje Hatimare Mae Jiu 89:41

Naikno te gnafa te salaꞌu ka vido tuana, mare blau fateo nogna glepo mana re, eghuteuna naikno te au namo teu ka mana re mare maꞌeni mana.

Nehemaea 2:19

Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Diutronomi 28:37

Aonu ka namono aheva Lord nate kuru tei ghami ghotilo tuana, naiknore ginauna tirodi filo ghami, cheke goigoni ghami, nei na nagho ghami eghu ghotilo.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Profet Isaia 43:28

Naugna igne iara ginauna chekedi mae pris te loku ka nogu Sugablahi iara na igre mala theome klino ke ulugu iara. Eghuteuna neuba ghotilo ne naiknomi Israel igre ne nogu iara, iara ginauna snakredi mae naokare mala mei goigoni ghami ghotilo. Eghuteuna iara ginauna snakredi keha naiknore mala famamaja ghami ghotilo.”

Profet Jeremaea 51:51

Lord ne cheke eghu, “Ghotilo cheke eghu, ‘Naiknore cheke fadiꞌa ghami ghehati, eghuteuna ghehati mamaja nomi fara, naugna maedi delei gre ne tei ruma lamna ka nogna Sugablahi Lord te Blahi fara na.’

Lamentations 1:11

Naiknodi Jerusalem re ne tanhi kate hiro gano tafri na. Mare ne sabiri nodi glepo te keli re mala foli gano, mala tangomana mare te au karha teuna. “Lord! Naikno te gnafa igre theome ghatho tahu ghau iara gognarona. Iagho kokhoni ghau iara nei filo mei ka iara!”

Profet Esikiel 22:5

Naikno iheire te au falithui ghami ghotilo, nei naikno iheire te au delei teu igre ginauna maꞌe ghami ghotilo nei cheke fapari ghami ghotilo, naugna mare laseni te nomi namono ghotilo igne fodu ka nakhibo, eghuteuna ghotilo theome au ka pharikeli.

Profet Sefanaea 3:18

Lord ne cheke eghu, “Iara neke fagnafadihi nomi naꞌau papara, nei hata fadeleihi mamajami ghotilo naiknomi Jerusalem.

Profet Sekaraea 8:13

Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.