Nodi Khoje Hatimare Mae Jiu 79:3 - Buka Blahi Ka Cheke Holo

³ Mare falelehe nou naikno iagho re, nei dadaradire thofa tongana ka namono Jerusalem. Eghuteuna theo kaisei naikno te au teu te mala giugilu dire eghu.

Nodi Khoje Hatimare Mae Jiu 79:3 ပူးပေါင်းရင်းမြစ်များ

Profet Jeremaea 16:4

“Naikno igre ginauna lehe. Kehare ginauna lehe ka fogra biꞌo. Eghuteuna kehare ginauna mei mae naoka aknu falehe. Eghuteuna kehare ginauna lehe ka grofo. Eghuteuna theo kaisei naikno nate kokhonidi nei tanhidi teure. Eghuteuna theo kaisei naikno nate giugilui thinidire. Eghuteuna thinidi re ginauna naga tafri ke kligna glose. Aonu saroko nei khuma mata ginauna mei ghamu fahui thinidi re.”

Profet Jeremaea 14:16

Eghuteuna naikno te fanomho ka mae profet te toutonu chaichaghi igre, mare balu khetodi, thudi nalhaꞌu, nei thudi gaꞌase teure, ginauna lehe ka grofo nei ka magra. Eghuteuna mae naokare ginauna lisei soru thinidire ka nabrou Jerusalem, eghuteuna theo kaisei naikno nate au teu te mala giugilu dire. Iara ginauna nake tughu fapulo ka naikno teke edi puhi te diꞌa igre.

Thakle 11:9

Naiknodi namono te gnafa, vike te gnafa, cheke te gnafa, nei kokholo te gnafa teu igre ginauna filo ka thinidi phei mae igre naba thilo narane vidogna. Eghuteuna mare ginauna theome snakredi naiknore mala giugilui thinidi phiamare re.

Thakle 18:24

Papara igne thokeni Babilon naugna naiknogna namono tuana neke falehedi hatimare mae profet nei keha nogna naikno God teke au ka namono tuana. Tutuani, mare neke falehedi naikno te gnafa ka nauthoglu igne.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Letas Teke Riso Tei Mae Pol Ka Khiloau Rom 8:36

Te chekeni kau grioriso te blahi na glepo igre tangomana te thoke ghita tahati, ne cheke eghu, “Naugna ghehati nou iagho, naiknore magnahaghei te falehe ghami ngala leuleghu narane, te ghathoni mare na ghehati gne jateula sipu te mala falelehe ra eghu kolho.”

Matiu 23:35

Naugna igne, God ginauna fate ghami ghotilo eigna glehedi nogna mae te doglore funu ka glehegna Abel mae te keli ia ghilei posa ka glehegna mae Sekaraea, thugna mae Barakia. Mae ku'emi ghotilo re neke faleheni mana rhegna olta na ka Sugablahi na.

Profet Jeremaea 34:20

Eghume, iara ginauna lilisei ghami ghotilo ke pari gna nodi nolaghi hatimare mae naoka mae iheire te magnahaghei falehe ghami ghotilo igre. Eghuteuna thinimi ghotilore ginauna mala ghamu ghedi saroko nei khuma mata.

Profet Jeremaea 25:33

Ka narane igne, thinidi naikno te lehere ginauna chara ka vido te gnafa ka nauthoglu igne. Eghuteuna ginauna na theo kaisei naikno nate diꞌanagnafa nei tanhi teu eidi iheire te lehe te pala te tei giugilui thinidi igre. Thono theo fara. Thinidi naikno te lehe igre ginauna na jateula chara te koko soru pari ka glose ra eghu kolho.

Profet Jeremaea 15:3

“Iara Lord ginauna kurudi fati glepo mala goigonidi mare: Mae naokare ginauna mei falehedi mare. Khumare ginauna mei tungnu fadelei thinidire. Eghuteuna nanghaji nei glepo tautagu teu igre ginauna ghamu fateo thinidire.

Nodi Khoje Hatimare Mae Jiu 141:7

Kate lehe mae biꞌo igre na, nhubradi mare te ginauna naga tafri ka bekudire jateula ngau naplamha gaju teke alha soru te chara teura eghu.

Nodi Khoje Hatimare Mae Jiu 79:10

Theome keli naiknodi keha kantri gre te cheke eghu ka ghehati na, “Aheva gne nomi God ghotilo na?” God, ghehati thono magnahaghei nigho iagho fara te paradi naikno igre, naugna mare neke falelehe nou naikno iagho re.

Profet Sefanaea 1:17

Lord ne cheke eghu, “Naiknore ei puhi diꞌa ranghi ghau iara, eghume iara ginauna na tusu ranghidi thua nafnata puhi biꞌo. Eghuteuna naikno igre ginauna jateula naikno te dofu ra eghu na theome laseni aheva te tei na. Eghuteuna dadaradire ginauna thofa jateula khoꞌu eghu, eghuteuna thinidire ginauna boto siri ka glose na.