Nodi Khoje Hatimare Mae Jiu 78:8 - Buka Blahi Ka Cheke Holo

⁸ Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.

Nodi Khoje Hatimare Mae Jiu 78:8 ပူးပေါင်းရင်းမြစ်များ

Nodi Khoje Hatimare Mae Jiu 78:37

Gaoghathodire theome nheta ka God. Naugna igne mare huhughuni nhaꞌa cheke teke eni God ka mare na.

Eksodas 32:9

Aonu Lord ne cheke eghu ka Moses, “Iara filodi naikno igre maku jateula thina eghu fara nagnafadi re.

Profet Esikiel 20:18

Iara neke cheke eghu ka thudi mare re, “Ghotilo thosei leghudi cheke nei kastom nei vetula eghu teke leghudi teke mei kuꞌemi ghotilo tifa ra. Eghuteuna ghotilo thosei fathona ghami themi ka tathagu iara na kate tarai ghotilo ka nomi mumuju are.

Fapea Kings 17:14

Nu mare tirodi leghudi kolho, mare patu gama jateula kuꞌedi tifa ra eghu theome fatutuani ni Lord, nodi God na.

Diutronomi 31:27

Iara lase ghamihi te patu gama fara ghotilo ranghini Lord. Neuba, kate karha teu te au teu iara balumi ghotilo gognarogne, leuleghu fata na ghotilo figri tagruni Lord. Eghuteuna jame te lehe iara na, iara laseni ghotilo ginauna tangomana nate figri tagruni fara mana na.

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Profet Esikiel 20:8

“ ‘Nu mare figri tagru ghau iara, eghuteuna tirodi fanomho ka iara. Mare theome koko mumujudi Ijep te tarai koba mare igre. Eghume, kani au teku mare Ijep ra, iara neke diꞌatagu fara neke tarabana te mala paradi mare ka nogu nolaghi biꞌo na.

Fapea Kronikols 30:7

Ghotilo thosei eni kaisei puhi te diꞌa jateula kmami nei thabusimi teku ra eghu. Mare neke figri tagruni Lord nodi God kuꞌedi tifa ra, eghuteuna God neke tusu ranghidi puhi biꞌo neke goigonidi mare. Ghotilo la lasenihi glepo igne.

Diutronomi 9:24

Funu ka narane te lase ghami iara te ghilei mei posa gognarogne, ghotilo theome keli ranghini Lord.

Diutronomi 9:13

“Eghuteuna Lord ne cheke eghu ka iara, ‘Iara la lasedihi naikno igre, mare patu gama fara.

Eksodas 33:5

Mare ne eni igne naugna Lord ne cheke faheta ka Moses mala cheke eghu mana ka naiknodi Israel, “Ghotilo patu gama fara, jame neuba iara ne tei balumi ghotilo katha vido kolho, iara jame thofno goigoni ghami ghotilou ngala. Gognarona ghotilo atha koko nomi famane dedenge nei nomi famane pohe teure, eghuteuna iara ginauna ghathoni unha nate eni ka ghotilo na.”

Eksodas 33:3

Glose nate tei ghotilo tagna igne, glosegna na thono keli fara, eghuteuna gano na karha kelidi fara tagna fabrahu. Nu iara ginauna theome tei balumi ghotilo, naugna ghotilo ne patu gama fara, eghuteuna jame te tei iara balumi ghotilo na, iara jame goigoni ghami ghotilo kolho ke lamna nabrou.”

Mae Khuru 11:23

Mae Banabas gne kaisei mae keli nei Tharunga te Blahi na au balugna mana, eghuteuna mana ne biꞌo nogna fatutuani na. Kate posa mana ka namono na, mana ne gleale'a fara, naugna mana laseni God na la kulu fablahidihi naiknore. Mana ne cheke faheta ka naikno khiloaudi Antiok re mala thofno leghuni noda Lord. Eghuteuna ka narane tuana kmana naikno ne funu fatutuani ni Lord.

Profet Isaia 30:9

Naikno igre patugama fara eghuteuna leuleghu fata na jateula sua te chaghi nei theome fanomho teura eghu. Uve, mare theome leghuni nogu farirhiu iara Lord.

Nodi Khoje Hatimare Mae Jiu 106:7

Tifa, kani au teku Ijep mae kuꞌedara, mare neke theome filo glanidi u kofubobhoi teke edi God ra. Uve, kmana fata mare ghatho ihodi kolho puhi teke fakakhana mana nogna namha te biꞌo na ka mare ra. Mare neke figri tagruni mana ka Thongna Ukru na.

Nodi Khoje Hatimare Mae Jiu 68:6

Mana na fofodu ka iheire te theo kheradi nei tusu ranghidi suga te mala au fakeli na. Eghuteuna mana na atha fajifladi iheire te au ka suga sosolo mala ke pulo au fakeli mare ka namono. Nu iheire te patugama fara te tirodi leghuni God re, mana ginauna lisei sorudi ka vido te thono diꞌa fara na.

Thoutonu Eigna Mae Job 11:13

“Nu iagho fadoglini gaoghathomu na, eghuteuna ngafa haghe khamemu re mala tarai ka God.

Fapea Kronikols 30:19

Neuba mare ne theome fagaedi thedi ka tathamu iagho na, mare fariuriu fara te mala leghu nigho iagho na Lord, nodi God kuꞌemi ghehati tifa ra.”

Fapea Kronikols 20:33

Nu mana neke theome paꞌe soru nodi vido blahi naikno bongihehe te au ka thogele igre, eghume naiknore theome thofno ghatho tahuni nodi God kuꞌedi tifa ra.

Fapea Kronikols 19:3

Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”

Fapea Kronikols 12:14

Mae Rehoboam ne edi glepo te diꞌa ka tathagna Lord, naugna mana ne theome ghaoghatho heta te mala toreni Lord te mala batuni ka puhi te doglo.

Diutronomi 4:4

Nu, ghotilo iheire teke ghatho tahuni Lord nomi God ra, ghotilo kafe karha teu gognaro gre.

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Josua 22:15

Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.

Ululahu Samuel 8:8

Funu tifa te mei ka narane teke hata fajifladi iara Ijep kuꞌemi ghotilo ra, leuleghu fata na mare tei koko ghau iara neke leghudi kolho keha god are. Eghuteuna gognarona, mare la funu tei koko nighola iagho.

Nodi Khoje Hatimare Mae Jiu 78:40

Kmana fata kate au mare ke lamna namono nagou na, mare tirodini, nei fadiꞌa nagnafani eghu mana.

Nodi Khoje Hatimare Mae Jiu 78:56

Neubane eghu ngau, mare heta ghedi te figri tagruni God mae ihei te thofno fnakno fara na. Uve, mare magnahaghei fara te fariuriuni mana na. Eghuteuna mare jaola theome tajini nogna vetula mana na.