Nodi Khoje Hatimare Mae Jiu 78:72 - Buka Blahi Ka Cheke Holo

⁷² Mae Devet neke ghatho tahuni nogna gloku na neke reireghi fakelidi naiknore ka puhi te thofno doglo fara, nei batudi ka thofno puhi te keli.

Nodi Khoje Hatimare Mae Jiu 78:72 ပူးပေါင်းရင်းမြစ်များ

Ululahu Kings 9:4

“Iagho mala leghuni kolho puhigu iara te doglo gne, jateula kmamu King Devet tifa ia eghu. Iagho mala leghudi nogu vetula iara gre, eghuteuna edi gobigna lepo teke chekedi iara ka iagho ra.

Fapea Timoti 2:15

Hati nhetamu na mala kaisei mae gloku keli, eghuteuna God ginauna keli tagna ka nou gloku iagho na. Iagho famane farirhiu thofno chekegna God na ka puhi te doglo mala theome mamaja nou ke ulugna mana.

Mae Khuru 13:22

Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Nodi Khoje Hatimare Mae Jiu 75:2

God ne cheke eghu, “Iara la kulu liliseihi thofno narane te mala fatedi naiknore, eghuteuna iara ginauna fatedi naiknore ka puhi te doglo.

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Profet Esikiel 34:2

“Maegna ka nauthoglu. Iagho tei chekeni cheke igne ka mae iheire te baubatu ka naiknodi Israel. ‘Iagho cheke ka mare te iara Lord God te cheke eghu igne: Kokhoni ghami fara ghotilo mae iheire te baubatu ka naiknodi Israel ra! Nomi gloku ghotilo na mala jateula mae ihei te reireghi sipura eghu mala reireghidi nogu naikno iara igre. Nu ghotilo theome reireghi fakelidi kolho nogu naikno iara igre. Naugna ghotilo reireghi ghami themi kolho!