Nodi Khoje Hatimare Mae Jiu 78:6 - Buka Blahi Ka Cheke Holo

⁶ Eghume thudi mare nate karha mei thogheiro re ginauna sikoludi vetula igre, eghuteuna mare ginauna nake toutonu ranghidi la thudire.

Nodi Khoje Hatimare Mae Jiu 78:6 ပူးပေါင်းရင်းမြစ်များ

Nodi Khoje Hatimare Mae Jiu 102:18

Tahati mala rioriso soru glepo teke edi Lord re, mala tangomana naikno na teke karha mei ke leghure te iuꞌijudi nei cheke fakelini teu mana na. Uve, tahati rioriso eghu jare,

Profet Joel 1:3

Ghotilo toutonu ranghidi thumire glepo igre. Eghuteuna thumi ghotilo are ginauna jaola mala ke toutonu ranghidi thudi gaꞌase nei thudi nalhaꞌu nate karha mei thogheiro re.

Nodi Khoje Hatimare Mae Jiu 145:4

Lord God, nou naikno iagho gre ginau kilo fnakno nigho eidi glepo te keli teke edi iagho ranghidire baludi goro sua teke karha mei ka vikedi mare gre. Uve, mare ginauna cheke thakledi koba nou gloku biꞌo iagho ra.

Nodi Khoje Hatimare Mae Jiu 90:16

Ghehati gne nou mae gloku iagho, snakre ghami ghehati sagho mala filodi ghehati nou gloku biꞌo te edi iagho ra. Uve, snakredi iheire nate karha mei ka vikemi ghehati gre mala filoni nou nolaghi biꞌo iagho na.

Nodi Khoje Hatimare Mae Jiu 22:31

Mare ginauna toutonuni puhimu iagho te keli na ka naikno nate karha mei thogheiro, na cheke eghu ranghidi, “God na neke fakarhidi nogna naiknore.”

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Nodi Khoje Hatimare Mae Jiu 48:13

Ghotilo ghatho fakelini bara thina te falithuini namono Saion, eghuteuna ghotilo filo ka suga te famaku are eghu. Eghume, ghotilo ginauna tangomana te cheke eghu ka thumire, “God te au Saion igne, noda God tahati fabrahu. Mana ginauna mala au ului mala batu ghita ka nabrou aheva nate tei tahati na.”

Nogna Buka Esta 9:28

Funu gognaro te haghe na, tharakna te gnafa, phagusu nate karha mei thogheiro, nei naikno te au ka provins te gnafa nei ka namono biꞌo te gnafa teu igre mala ghatho tahuni leuleghu finogha Narane Biꞌo Purim igne.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Eksodas 10:2

Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala Lord na.”