Nodi Khoje Hatimare Mae Jiu 78:58 - Buka Blahi Ka Cheke Holo

⁵⁸ Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Nodi Khoje Hatimare Mae Jiu 78:58 ပူးပေါင်းရင်းမြစ်များ

Diutronomi 32:21

Iara goghotu ka ghotilo, naugna ghotilo ne pogho soru ka god te theo nafudi kolho are. Iara diꞌatagu fara ka ghotilo, naugna ghotilo ne magnahagheidi mumuju blahi te theo nafudi are. Eghume iara ginauna chekedi naikno te theo nafudi kolho are mala famamaja ghami ghotilo. Eghuteuna iara ginauna eni igne mala diꞌatami ghotilo ka iheire te theo tadi kaisei gaoghatho te keli.

Levitikas 26:30

Eghuteuna iara ginauna goigoni nomi vido blahi ghotilo are. Iara ginauna paꞌe olta te mala gahu insens ghotilo are. Eghuteuna iara ginauna koko lao thinimi ghotilo te lehe are mala pagu ke klignadi nomi mumuju blahi ghotilo te theome karha te pogho soru ghotilo tadi are. Eghuteuna iara ginauna tirogu ghami fara ghotilo.

Ululahu Korin 10:22

Ba, tahati magnahagheni Lord te diꞌatagna? Ba, tahati nheta fara uluni mana? Theo fara!

Ululahu Kings 12:31

King Jeroboam jaola ne horo kaisei Sugablahi ikoi ke kligna thogele mala tarai ka mumuju. Eghuteuna mana ne vavahi keha mae te theome vikegna mae Livae mala pris.

Ululahu Kings 11:7

Mae Solomon ne eni kaisei vido blahi ka thogele ke maghati Jerusalem mala tarai ka god Kemos, god te thono diꞌa fara igne nodi god naiknodi Moab. Eghuteuna mana jaola eni keha vido blahi na mala pogho soru ka Molek, kaisei nodi god te diꞌa naiknodi Amon.

Diutronomi 12:2

Kate ngolhi fajifladi ghotilo naikno teke au ka glose igne na, ghotilo mala goigoni fahui nodi vido blahi te gnafa nodi god mare te au ka thogele nei ka gukhu, nei ke pari gaju.

Profet Hosia 13:2

Gognarona mae Israel igre mare leghuni puhidi vikegna mae Ifreim te diꞌa igre, mare tapla jafra fabrahu ka nakhibo. Mare theome gnafa te hohoro mumuju ka silva te mala tarai nei pogho soru ranghini teuna. Mumuju igre neke hohoro kolho naikno leghuni nogna glalase na. Naiknodi keha kantri te au faligohodi mare igre cheke eghu, “Mae Israel igre mare falehe naikno mala fafara ka mumuju, eghuteuna mare gnangho ka mumuju buluka igne.”

Profet Jeremaea 8:19

Iara nomhidi nogu naiknore la tanhi eghu fabiꞌo, ‘Jame Lord na theome king ka Thogele Saion. Naugna unha si mana te theome togho ghita tahati gnea?’ ” Nu Lord ne cheke eghu, “Naugna unha si ghotilo nogu naikno iara gre te pogho soru te tarai ka nodi god keha kantri delei igrea? “Iara diꞌatagu fara ka nafnata puhi te pogho soru te tarai ghotilo ka god nate theome togho ghami ghotilo igre.”

Nodi Khoje Hatimare Mae Jiu 97:7

Iheire fateo te pogho soru nei cheke fahaehaghedi teu eidi keha god are ginau mamaja nodi fara, naugna keha god are ginau pogho soru mala tarai kolho ka God.

Nodi Khoje Hatimare Mae Jiu 79:5

Lord God, ba? Iagho na diꞌatamu fabrahu ka ghehati? Ba? Na brana fabrahu diꞌatamu na ka ghehati jateula khaꞌaghi eghu?

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 2:20

Aonu Lord ne diꞌatagna fara ka mare ne cheke eghu, “Naiknodi Israel igre huhughuni nhaꞌa cheke teke chekeni iara ka kuꞌedi mare tifa mala tathaji mare teku ia. Naugna te theome leghu ghau iara mare na,

Jajis 2:17

Neuba, mare theome fanomho fakeli kolho ka mae lida igre. Eghuteuna mare tei leghudi kolho god chaichaghi igre jateula gaꞌase te tei leghuni nalhaꞌu te theome khetogna naꞌa na. Eghuteuna theome raugha mare theome leghudi puhidi kuꞌedi mare te keli teke thofno leghudi nogna cheke Lord ra.

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 12:4

“Ghotilo thosei leghudi puhidi naikno bongihehe te au ka glose tuana kate pogho soruni ghotilo Lord nomi God na.

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Eksodas 34:14

Ghotilo thosei pogho soru tarai ka keha god delei, naugna iara Lord theome magnahaghei ghami ghotilo te ghatho tahuni kaisei god delei.

Jajis 3:19

Nu kate mei namo mare Gilgal ka thina mumuju god igne, Ehud kolho figri neke pulo ka king. Kate mei ka nogna suga biꞌo king igne, King Eklon ne gnokro pari lamna ka nogna chogho na ke tagru suga. Aonu Ehud ne cheke eghu ka mana, “King. Iara au kaisei glepo mala tusu ari ka iagho kolho.” Aonu king ne chekedi nogna mae glokure mala au kmu. Eghuteuna kate jifla kosi te gnafa mare na, Ehud mei ne namo ka mana ne cheke eghu, “King, iara au kaisei glepo funugna ka God malamu iagho.” Aonu king ne kegra haghe.

Fapea Kings 17:9

Naiknodi Israel gre edi poru glepo te theome magnahaghedi Lord nodi God na. Mare hohoro nodi vido blahi mala tarai ka nodi mumuju god re ka namono te gnafa funu ka namono ikodi tei posadi namono biꞌo re.

Fapea Kings 21:7

Mana hata mumuju gna god Asera igne ne lilisei ka nogna Sugablahi Lord na. Nu Lord neke cheke eghuhi ka King Devet ghe mae thugna na, King Solomon, “Iara neke vahini Jerusalem ka nodi vido nabotho phei vikegna Israel mala babana haghe nogu Sugablahi na mala pogho soruni fabrahu mare Nanghagu Iara na.

Fapea Kronikols 21:11

Mana horo vido blahi ke kligna thogele te au ka kantri Juda mala tarai ka mumuju, eghuteuna mana batudi keha naiknodi Jerusalem nei Juda eghu mala lisa kokoni puhi te doglo na.