Nodi Khoje Hatimare Mae Jiu 78:40 - Buka Blahi Ka Cheke Holo

⁴⁰ Kmana fata kate au mare ke lamna namono nagou na, mare tirodini, nei fadiꞌa nagnafani eghu mana.

Nodi Khoje Hatimare Mae Jiu 78:40 ပူးပေါင်းရင်းမြစ်များ

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Profet Isaia 7:13

Mae Isaia ne cheke eghu, “Ghema Ehas, fanomho fakeli sagho! Ghotilo vikegna mae Devet ra, ghotilo neke eni igne fabrahu, eghuteuna naiknore la ghilei tirodi ghami ghotilo. Ba, ghotilo magnahagheni nogu God iara gne te tiromi ghami la ghotilo na sia?

Nodi Khoje Hatimare Mae Jiu 107:11

Naugna mare neke thono figri tagruni fara chekegna God na, nei tirodi fanomho ka nogna farirhiu God mae ihei te thofno fnakno fara na.

Nodi Khoje Hatimare Mae Jiu 78:17

Neubane eghu ngau, kate au ka namono nagou na, naiknore neke theome gnafa te eni nakhibo ra ranghini God mae ihei te fnakno fara na.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Diutronomi 9:7

“Ghotilo thosei ghatho ihoni unha teke eni Lord nomi God ka namono nagou ia, mana neke diꞌatagna fara ka ghotilo. Funu ka narane teke jifla ghotilo Ijep te thoke ka narane te mei posa ghotilo ka namono igne, ghotilo neke theome leghuni Lord.

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.