Nodi Khoje Hatimare Mae Jiu 78:4 - Buka Blahi Ka Cheke Holo

⁴ Tahati thosei pophoru ka thudare glepo igre, nu tahati toutonu ranghidi thudare nei ranghidi iheire nate karha mei thogheiro. Tahati toutonu ranghidi eigna nogna nolaghi te mala edi koba kofubobhoi nei gloku te biꞌo teure.

Nodi Khoje Hatimare Mae Jiu 78:4 ပူးပေါင်းရင်းမြစ်များ

Diutronomi 11:19

Farirhiudi thumire. Toutonu eidi glepo igre kate au teu ka suga, ba kate nolo ka nabrou, ba kate thuru, ba kate kegra haghe.

Profet Joel 1:3

Ghotilo toutonu ranghidi thumire glepo igre. Eghuteuna thumi ghotilo are ginauna jaola mala ke toutonu ranghidi thudi gaꞌase nei thudi nalhaꞌu nate karha mei thogheiro re.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 6:7

Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Nodi Khoje Hatimare Mae Jiu 26:7

Iara na kojeni kaisei himu mala kilo fnakno nigho iagho, nei chekedi ka naiknore famane gloku te keli teke edi iagho ra.

Thoutonu Eigna Mae Job 15:18

Eghuteuna iara ginauna chekedi ka iagho nogna cheke mae glalase igre. Cheke igre theome poruni kaisei glepo teke nomhidi mare ka mae biꞌodi mare ra.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Eksodas 13:8

Kate thoke mei narane biꞌo igne na, iagho cheke eghu ranghini mae thumu na, ‘Ghehati eni igne, naugna Lord neke togho ghami ghehati neke rikha Ijep.’

Eksodas 12:26

Thumi ghotilo re ginau na ghusna eghu ka ghotilo, ‘Unha eghu gaoghathogna na si u gaghamu ignea?’

Profet Isaia 38:19

Ghehati te karha nga teugre, ghehati kolho te tangomana te cheke fakeli nigho na, jateula te eni iara gognarogne eghu. Kmami ghehati gre toutonu koba ka thudire eigna puhi te tajini fabrahu iagho nou nhaꞌa cheke na.