Nodi Khoje Hatimare Mae Jiu 78:35 - Buka Blahi Ka Cheke Holo

³⁵ Gognaro na mare ne ke ghatho fapulo eigna God na thofno fnakno fara, mana ngala teke reireghidi nei fakarhidi teku mare na.

Nodi Khoje Hatimare Mae Jiu 78:35 ပူးပေါင်းရင်းမြစ်များ

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Profet Isaia 48:17

Lord nodi God te blahi mae Israel, God mae ihei teke fakarhi ghami ghotilo igne ne cheke eghu, “Iara Lord, nomi God ghotilo. Iara na farirhiu ghami ghotilo mala naikno keli. Eghuteuna iara na batu ghami ghotilo ka nabrou aheva te mala leghuni ghotilo na.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Nodi Khoje Hatimare Mae Jiu 106:21

God na neke edi glepo te biꞌo fara Ijep, neke fakarhidi mare, nu mare neke theome ghathoni mana kolho eghu.

Nodi Khoje Hatimare Mae Jiu 106:13

Nu theome raugha kolho mare neke ghatho ihodi kolho unha teke edi God re. Eghuteuna mare tirodi ofoni te mala laseni unha te magnahagheni God te mala eni mare na.

Nodi Khoje Hatimare Mae Jiu 78:42

Mare theome ghathoni kolho nogna nolaghi biꞌo God na. Uve, mare theome ghathoni kolho narane teke fakarhidi mana ka hatimare mae naokare.

Nodi Khoje Hatimare Mae Jiu 78:11

Mare theome ghatho tahudi unha teke edi mana tifara nei mare theome ghathodi u kofubobhoi teke edi mana ka tathadi mare ra.

Nodi Khoje Hatimare Mae Jiu 78:7

Ka puhi igne mare na jaola fatutuani ni God, nei na ghathodi unha teke edi mana re eghu, nei leghudi koba nogna cheke mana re eghu.

Nodi Khoje Hatimare Mae Jiu 74:2

Ghatho ghami ghehati sagho, eigna iagho neke vahi ghami ghehati funu tifa. Funu tifa te mei na, ghehati neke sneka kolho, nu iagho neke fakarhi ghami ghehati mala vikemu themu. Iagho jaola ghathoni Thogele blahi Saion aheva teke au iagho tifa ia.

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Diutronomi 9:26

Ka narane tuana iara tarai ka Lord ne cheke eghu, ‘Lord nogu Funei, thosei falehedi. Naikno igre nou iagho, eghuteuna iagho neke hata fajifladi Ijep ka nou nolaghi te biꞌo nei ka khamemu te rheta tulao.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.