Nodi Khoje Hatimare Mae Jiu 78:34 - Buka Blahi Ka Cheke Holo

³⁴ Leuleghu fata kate lehe na kehare neke tughu nagnafa neke pulo ka mana neke pogho ka mana.

Nodi Khoje Hatimare Mae Jiu 78:34 ပူးပေါင်းရင်းမြစ်များ

Profet Hosia 5:15

Uve, iara ginauna nake pulo mei ka nogu namono na mala ghilei filo glani mare najafra teke edi thedire. Kate au ka hoholo na, mare ginauna nake figri mei nake hiro ghau iara.”

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Profet Hosia 7:14

Mare tarai chaichaghi ka iara. Eghuteuna kate tarai na, mare thuru pari balu tanhi. Kate mei tore gano nei waen teuna mare vavahe thinidire jateula mae bongihehe eghu. Nu mare figri tagru ghau iara.

Profet Jeremaea 22:23

Gognarona ghotilo au fakeli nomi ka famane suga te keli teke horo ka gaju sida gna Lebanon. Nu puhi biꞌo ginauna thoke ghami ghotilo. Eghuteuna ghotilo ginauna kabru ghemi tanhi fabiꞌo jateula gaꞌase te kabru kate fakarha sua ra eghu.”

Profet Isaia 26:6

Ka namono biꞌo igne, au ihei te kuma, nei iheire te nigra mare paradi keha naiknore.

Jajis 4:3

Sisera au nheva gobi chariot mala magra te au aean wil. Eghuteuna naiknodi Israel igre au ke parigna nogna nolaghi mana nabagna varadaki finogha. Ka narane tuare mana ne faparadi fara naiknodi Israel. Aonu mare ne tanhi lao ka God mala toghodi.

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.