Nodi Khoje Hatimare Mae Jiu 78:24 - Buka Blahi Ka Cheke Holo

²⁴ Aonu mana ne tofa soru ganogna kligna te kiloni mare, “Manna” igne mala ima mare.

Nodi Khoje Hatimare Mae Jiu 78:24 ပူးပေါင်းရင်းမြစ်များ

Eksodas 16:4

Aonu Lord ne cheke eghu ka mae Moses, “Iara ginau na tusu mei gano gna kligna na mala soru mei jateula nakhete eghu ka ghotilo. Leuleghu narane na naiknore mala jifla atha gano malagna narane tuana. Ka puhi igne iara ginau na fariu riudi naikno gre mala laseni te leghudi ghu theo ghu teu nogu cheke iara re.

Nodi Khoje Hatimare Mae Jiu 105:40

Mare neke tore gano ka mana, aonu mana neke tusu ranghidi nanghaji te mala ima na. Mana neke tusu ranghidi bret gna kligna na neke ima neke boho mare.

Eksodas 16:14

Kate moja nabubla igne na, naiknore ne filodi kmana glepo te ikodi te jateula wefa teu te iko tongana namono nagou na.

Nodi Khoje Hatimare Mae Jiu 68:9

God, iagho neke snakre meini nakhete biꞌo na mala soru ka nou glose teke diꞌa na mala ke keli fapulo.

Nehemaea 9:20

Tharungamu iagho na thofno keli fara, eghuteuna iagho kuruni mana mala farirhiudi mare. Iagho tusu ranghidi bret gna kligna te kiloi ‘manna’ mala ghamu mare, eghuteuna iagho tusu ranghidi khoꞌu mala koꞌu.

Nehemaea 9:15

Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Ululahu Korin 10:3

Mare neke kafe ima gano teke tusu ranghidi God na.

Diutronomi 29:5

Lord neke cheke eghu ka ghotilo, ‘Phiatutu finogha iara neke batu ghami ghotilo ke lamna namono nagou, eghuteuna nomi pohe nei nomi slipa teu ghotilo re neke theome breku ba neke theome diꞌa.