Nodi Khoje Hatimare Mae Jiu 78:15 - Buka Blahi Ka Cheke Holo

¹⁵ Kate au mare ka namono nagou na, God neke piphike thina biꞌore, aonu khoꞌu na neke loloro mei mala koꞌu naiknore.

Nodi Khoje Hatimare Mae Jiu 78:15 ပူးပေါင်းရင်းမြစ်များ

Nodi Khoje Hatimare Mae Jiu 105:41

Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Naba 20:11

Aonu mae Moses ne loku haghe khodo na ne phia fata cha lao ka thina biꞌo na, eghuteuna khoꞌu ne loloro mei, aonu naikno baludi glepo te tautagu re ne koꞌu.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Profet Isaia 43:20

Glepo tautagu igre ginauna ghatho tahu ghau iara. Uve, khuma mata nei nakrudu teu igre ginauna kilo fnakno ghau iara. Naugna iara neke chekedi khoꞌure mala loloro tei ke lamna namono nagou, mala tangomana nogu naikno teke vavahi iara igre te au khoꞌu te mala koꞌu na.

Profet Isaia 41:18

Iara ginauna chekeni khoꞌu na mala loloro haghe fari hotei thogele te khapra fara, eghuteuna iara na eni glokha khoꞌu na mala loloro soru fari hotei glogu. Uve, iara ginauna edi kholo seu re mala fodu ka khoꞌu ke lamna namono nagou, eghuteuna glokha re ginauna loloro tei ke lamna glose te khapra.