Nodi Khoje Hatimare Mae Jiu 78:13 - Buka Blahi Ka Cheke Holo

¹³ God neke alha pea thongna na ka phei vido neke fakegra haghe jateula phei gringni thina biꞌo neku, eghuteuna hata fakasadi nogna naiknore ka keha phile na.

Nodi Khoje Hatimare Mae Jiu 78:13 ပူးပေါင်းရင်းမြစ်များ

Eksodas 14:21

Aonu mae Moses ne tusu lao khamegna na ke kligna thongna, eghuteuna Lord ne fameini kaisei nuri biꞌo ke maghati ne nuri fabrahu bongi thongana na ne ghilei fnota pea thongna na ne khapra vido teke mamhara na.

Eksodas 15:8

Iagho diꞌatamu fara ne phanga lao ka thongna na, eghuteuna thongna na ne kogu kogu ne haghe posa kligna jateula bara neu. Eghuteuna khotogna nhorora na ne thuke.

Nodi Khoje Hatimare Mae Jiu 66:6

Tifa na mana neke fofota pea thongna biꞌo na neke khapra neke nonolo ka ghahe kolho neke kasa ka keha philegna khoꞌu na mae ku'eda tahatira. Ka narane tuare mae ku'eda tahatire neke thofno glealeꞌa fara ka unha teke edi mana igre. Eghume tahati glealeꞌa nei cheke fakelini eghu God.

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.

Profet Habaku 3:15

Iagho gnokro ka hose tei ke kligna nhorora mala malu thongna na.

Profet Isaia 63:13

Mana neke batudi nogna naiknore neke kasa mei ke pari thongna ka glose te moja na.” Eghuteuna naiknore chari faheta neke theome uka, jateula hose te chari ka namono nagou ra neku.

Nodi Khoje Hatimare Mae Jiu 38:7

Kate fagrutu biꞌo te brana jateula khaꞌaghi teu thinigu na, iara ne namo lehe nogu ngala.

Eksodas 14:22

Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Eksodas 14:29

Nu hatimare mae Israel gre ne tei ka vido te khapra, eghuteuna thongna na ne kegra jateula bara neu ka phei phile re ne kasa mare ka keha phile na.

Josua 3:13

Mae pris igre mare na pala nogna Bokis Blahi Lord mae funeigna nauthoglu igne. Kate soru te kegra mare lamna khoꞌu na, khoꞌu biꞌo te britha igne ginauna na krango, eghuteuna khoꞌu na ginauna na tei au ka kaisei vido kolho te kegra delei jare jateula kaisei gringni biꞌo eghu.”

Profet Isaia 63:12

Mana neke tusu lao nolaghi biꞌo ka mae Moses. Eghuteuna mana neke fofota thongna na ka phei vido neke kasa nogna naiknore ka keha phile na, eghuteuna ka puhi igne mana ne atha nafnakno biꞌo te theo ka huigna.