Nodi Khoje Hatimare Mae Jiu 78:12 - Buka Blahi Ka Cheke Holo

¹² God neke eni kaisei kofubobhoi mala filoni mare neku ka sare na jare Soa ka kantri Ijep.

Nodi Khoje Hatimare Mae Jiu 78:12 ပူးပေါင်းရင်းမြစ်များ

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Profet Esikiel 30:14

Iara ginauna goigonini nohi Patros te au ke mata Ijep ana mala theome tangomana kaisei naikno nate au tagna na. Iara ginauna gnubra khaꞌaghi namono Soan te au ke raru ana. Eghuteuna iara ginauna parani nodi namono naiknodi Tebes.

Profet Isaia 19:11

Hatimare mae mala baubatu ka namono Soan, nodi namono biꞌo mae Ijep, mare fameomekro jateula glepo te theo nafudi eghu kolho. Eghuteuna nogna mae glalase king gna Ijep igre, mare tusu lao gaoghatho fameomekro ka mana. Tore! Jame teuna, faꞌunha eghu chekeni iagho ne lalase iagho teuna, eghuteuna faꞌunha eghu iagho tangomana te chekeni iagho neke vikedi mae king tifa ra teuna?

Profet Isaia 19:13

Hatimare mae mala baubatu ka phei namono Soan ghe Mefis igre la fameomekro gognarona! Mae biꞌo ka kantri igne baubatu fadiꞌadi naiknore!

Nodi Khoje Hatimare Mae Jiu 135:9

Mana jaola neke edi kofubobhoi nei fagaglana eghu jare Ijep mala parani nodi mae king mare na nei nogna mae biꞌo te gnafa mana re.

Eksodas 7:1

Aonu Lord ne cheke eghu ka Moses, “Fanomho ka igne. Kate tei iagho ka king na, iara ginauna tusu ari nolaghi ka iagho mala jateula God eghu ka mana. Eghuteuna thabusimu iagho Eron ginauna jateula kaisei profet eghu mala chekedi nou cheke iaghore ka king.

Nodi Khoje Hatimare Mae Jiu 106:22

Kofubobhoi teke edi God Ijep ra thono biꞌo fara, eghuteuna glepo teke edi mana ka Thongna Ukru ra, thono glepo mala jaglo nodi fara, nu mare theome ghathoni mana kolho eghu.

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Diutronomi 6:22

Ka narane tuare, mana neke edi kmana fagaglana nei kofubobhoi nei glepo mamhaghuana, eghuteuna mana loku ka nogna nolaghi biꞌo ranghidi naiknodi Ijep, king nei nomi mae biꞌo te gnafa.

Diutronomi 4:34

Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Jenesis 32:3

Mae Jekop ne kurudi keha mae mala kulu tei ka kantri Seia, keha nanghagna na Idom, mala hata cheke tei ka mae Iso, mae ke biꞌogna na.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Fapea Kings 17:7

Namono biꞌo Samaria igne ne snagu ka armi gna Asiria, naugna naikno di Israel igre ne theome doglo ka tathagna Lord nodi God, mae ihei teke fakarhidi ka nogna nolaghi king gna Ijep. Naiknodi Israel igre mare tarai ka keha god delei,