Nodi Khoje Hatimare Mae Jiu 78:10 - Buka Blahi Ka Cheke Holo

¹⁰ Mare neke theome leghuni kolho u nhaꞌa cheke teke eni God ka mare na, nei mare jaola neke tirodi te leghudi kolho nogna vetula mana re.

Nodi Khoje Hatimare Mae Jiu 78:10 ပူးပေါင်းရင်းမြစ်များ

Diutronomi 31:20

Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Eksodas 16:28

Aonu Lord ne cheke eghu ka mae Moses, “Ghema Moses, niha fata tiromi fanomho ka nogu cheke nei ka nogu farirhiu teu iara gre siba ghotilo mae Israel grea?

Nehemaea 9:17

Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Profet Esikiel 20:21

“ ‘Nu goro sua gre jaola magri ghau iara. Eghuteuna neuba mare ne laseni te mae ihei ngala te leghudi nogu vetula iara re ngala nate hatini u nakarha te keli na ginauna neu, mare theome leghudi kolho nogu cheke iara re, ba taji fakelidi nogu vetula iara re. Eghuteuna narane Sabat mala gnafa mare teku iara igne jateula te fiti narane ra eghu kolho ka gaoghathodi mare na. Naugna igne iara diꞌatagu fara neke ghaoghatho te mala paradi mare ke lamnagna namono nagou na.