Nodi Khoje Hatimare Mae Jiu 77:19 - Buka Blahi Ka Cheke Holo

¹⁹ Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Nodi Khoje Hatimare Mae Jiu 77:19 ပူးပေါင်းရင်းမြစ်များ

Eksodas 14:28

Ka teke pulo mei thongna na, nogna soldia mae king gna Ijep teke tei ke leghudi mae Israel ra ne thafru ka thongna balu nodi chariot nei hose neu ne kafe lehe ne hui, theo kaisei te karha na.

Profet Habaku 3:15

Iagho gnokro ka hose tei ke kligna nhorora mala malu thongna na.

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Nehemaea 9:11

Eghuteuna iagho neke fota pea thongna na neke eni kaisei nabrou mala kasa nou naiknore ka glose te moja. Nu iheire teke ngolho leghudi nou naikno iagho re, mare ne knoho ka thongna te mamhara jateula thina te plulu ka nhorora ra neu.

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Nodi Khoje Hatimare Mae Jiu 97:2

Khoveo nei gromno teura au faligohoni mana. Mana funei frunidi nei fatedi eghu naiknore ka puhi te thofno doglo fara.

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Fapea Samuel 22:8

Naugna God ne diꞌatagna fara, glose gna nauthoglu igne ne nghali, eghuteuna maloa jaola ne poha fila.

Thoutonu Eigna Mae Job 23:14

Eghume mana ginauna eni unha teke ghathoni mana mala eni ka iara teku na. Eghuteuna kmana gaoghatho eigu iara na la kulu auhi ka gaoghathogna mana na.

Thoutonu Eigna Mae Job 36:29

Theo kaisei naikno te laseni ne faꞌunha ne thugha tafri khoveo gre teuna. Eghuteuna theo kaisei naikno te laseni ne faꞌunha ne poha fila na kligna ka vido aheva te au teu God tagna na.

Nodi Khoje Hatimare Mae Jiu 97:4

Kate phae mei ka namono te gnafa re nogna nakafli na, nauthoglu na nghali tongana jateula naikno te mhaghu te fififrira neu.

Nodi Khoje Hatimare Mae Jiu 104:32

Kate filo soru mana kau nauthoglu igne na, glose na ne nghali jateula nakheu neu. Uve, kate habo lao mana ke klignadi thogelere, gagahu na jifla mei jateula khaꞌaghi eghu.