Nodi Khoje Hatimare Mae Jiu 77:15 - Buka Blahi Ka Cheke Holo

¹⁵ Ka nou nolaghi, iagho neke fakarhidi nou naiknore. Uve, iagho neke fakarhi ghami ghehati vikegna mae Jekop nei vikegna mae Josep.

Nodi Khoje Hatimare Mae Jiu 77:15 ပူးပေါင်းရင်းမြစ်များ

Diutronomi 9:29

Nu iagho lasedi, naikno igre nou iagho, iagho neke hata fajifladi Ijep ka nou nolaghi te biꞌo nei ka khamemu te rheta tulao.’ ”

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Nodi Khoje Hatimare Mae Jiu 74:2

Ghatho ghami ghehati sagho, eigna iagho neke vahi ghami ghehati funu tifa. Funu tifa te mei na, ghehati neke sneka kolho, nu iagho neke fakarhi ghami ghehati mala vikemu themu. Iagho jaola ghathoni Thogele blahi Saion aheva teke au iagho tifa ia.

Diutronomi 9:26

Ka narane tuana iara tarai ka Lord ne cheke eghu, ‘Lord nogu Funei, thosei falehedi. Naikno igre nou iagho, eghuteuna iagho neke hata fajifladi Ijep ka nou nolaghi te biꞌo nei ka khamemu te rheta tulao.

Eksodas 15:13

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Josua 3:5

Mae Josua ne cheke eghu ka naiknore, “Ghotilo mala kulu fagae ghami themi ka tathagna Lord, naugna nathuꞌu na, mana ginauna eni kaisei kofubobhoi farihoteida tahati.”

Nodi Khoje Hatimare Mae Jiu 72:18

Cheke fakelini Lord, noda God tahati naiknoda Israel. Kaisei mana ngala te edi glepo te keli re.

Profet Daniel 6:28

Eghuteuna ka naranedi King Darius ghe King Saeras Pesia igre, mae Daniel neke kaisei mae biꞌo fara.