Nodi Khoje Hatimare Mae Jiu 77:12 - Buka Blahi Ka Cheke Holo

¹² Iara ginauna ghathodi fara glepo te keli te gnafa nei glepo biꞌo te gnafa eghu teke edi iagho ra.

Nodi Khoje Hatimare Mae Jiu 77:12 ပူးပေါင်းရင်းမြစ်များ

Nodi Khoje Hatimare Mae Jiu 145:11

Iagho mae King, naikno gre ginauna toutonu eidi glepo te keli teke edi iagho ra, nei mare ginauna na jaola toutonuni nou nolaghi biꞌo iagho na.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Diutronomi 6:7

Farirhiudi koba thumi re. Cheke eidi glepo igre kate au teu ka suga, ba kate nolo ka nabrou, ba kate thuru sukha, ba kate kegra haghe.

Nodi Khoje Hatimare Mae Jiu 145:4

Lord God, nou naikno iagho gre ginau kilo fnakno nigho eidi glepo te keli teke edi iagho ranghidire baludi goro sua teke karha mei ka vikedi mare gre. Uve, mare ginauna cheke thakledi koba nou gloku biꞌo iagho ra.

Nodi Khoje Hatimare Mae Jiu 143:5

Nu kate ghatho fapulodi iara narane tela salaꞌu ari ra, iara ke ghathodi unha teke edi iagho ka ghehatira.

Nodi Khoje Hatimare Mae Jiu 105:2

Tahati koje mala kilo fnaknoni mana. Uve, tahati mala toutonudi glepo biꞌo teke edi mana re.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Diutronomi 7:18

Nu ghotilo thosei mhaghudi mare! Khogla ke ghathodi unha Lord nomi God teke edi ka king nei ka naikno te gnafa Ijep tifa ra.

Diutronomi 7:19

Mana neke hata fajifla ghami ka khame nhetagna king gna Ijep. Ghotilo neke filo tathamihi kofubobhoi nei nolaghi nei glepo te mamhaghuana fara Lord noda God teke edi kani teke hata fajifla ghami ghotilo Ijep ia. Eghume, Lord nomi God ghotilo igne ginauna jateula tuana eghu goigonidi naikno te mhaghudi ghotilo tuare.

Nodi Khoje Hatimare Mae Jiu 105:5

Tahati gne, karha mei ka vikegna mae Ebraham, nogna mae gloku Lord. Eghuteuna tahati jaola karha mei ka vikegna Jekop, mae ihei teke vavahi God. Tahati mala ghathodi koba u kofubobhoi teke edi mana ra, nei puhi te fatedi mana hatimare mae naokara.

Nodi Khoje Hatimare Mae Jiu 119:52

Lord God, kate ghathodi iara nou vetula iagho teke au funu tifa teke mei igre na, iara gaoghathogu na ne keli fabrahu.

Profet Isaia 63:11

Ka narane igne, mare ghathoni tifa ka naranegna mae Moses baludi nogna naiknore Ijep. Aonu mare ne ghusna eghu ka mana, “Ahevau Lord na? Tifa na mana neke atha mae mala baubatu ka naiknore neke kasa ka thongna na. Ahevau Lord na? Tifa na mana neke snakreni nogna Tharunga te Blahi na mala au baludi mare.